Page 4 - Diario 07Aug2021_Neat

PAGINA 4 DIARIO DIASABRA 7 AUGUSTUS 2021
Security Camera indestructible

por yuda gara persona tirando

piedra riba Watty Vos Boulevard

ORANJESTAD (AAN): Un biaha mas ta keda dem-
ostra cu tin hende anti-social cu for di e area di Cas-
nan di Pueblo di Bushiri, ta zwaai piedra riba autonan
cu madruga ta coriendo riba Watty Vos Boulevard nobo.
Diaranson madruga pa 3:40 am, un unidad di Polis di
Playa a ser manda na altura di Watty Vos for di rotonde
Ling and Sons te cu rotonde Bushiri. Pa asina check
asunto di tiramento di piedra atrobe.
Esaki ta un fenomeno cu ta pasando regularmente awor
desde November 2019 cu Watty Vos Boulevard a wordo
habri pa trafico. Tin hende cu ta haya ‘pret’ pa for di e
casnan di Bushiri nan zwaai piedra. Algun a dal auto y
hasta causa daño.
E biaha aki ta diferente Patruya di Polis a presenta na
lugar y nan a bin mira cu enberdad riba e caminda di
asfalt tin varios piedra di calichi blanco benta cu kizas a
faya di dal auto, pero a cay y kibra spat abao.
Polisnan e ora a pensa cu kizas esnan cu ta tirando pie-
dra lo a bin for di e mondi na altura di e “Gayero”, y nan
a bay hunto den e mondi.
Polisnan a mira abao riba e caminda di santo banda di
e mondi, cu tabatin personanan canando cu a laga marca
fresco di pianan atras, y nan ta cana rumbo pa e Comple-
ho di Edificionan di Bushiri.
Agentenan a keda check rond, pero kizas e culpable
a bay sconde den mondi y no a topa cu nada. Aki ta
unda cu sigur un Helicopter cu un camera FLIR lo por
a bula y detecta facilmente si tabatin mas hende scondi
den mondi.
SOLUCION TA CAMERA: Kico por haci cu e situa-
cion aki? Ta bay keda cu man cruza te ora cu e hende
aki cu no ta bon di cabez, zwaai piedra y dal un auto y
causa herida fatal?
Un situacion ta pa pone tubonan hopi halto (riba di 10
meter) cu ariba ta pone algun high-power Security Cam-
era PTZ cu ta indestructible, y cu por vigila movimento
den e areanan liber pafo di e compleho aki. Pues e cam-
era lo ta poni solamente riba areanan di mondi y e area
habri, pa asina vigila ki ora tin hende ta tira piedra.
Di e forma aki so lo por yuda mantene trankilidad,
y alavez haya sa tambe ta kende ta e ‘piedra man’ cu
ta cometiendo e barbaridad aki pa casi 2 aña caba na
Bushiri.