Page 13 - ARUBA BANK

Januari 30, 2020
www.awemainta.com
www.facebook.com/awemainta
noticia@awemainta.com
583-1400

Freek Korver t’e

Director nobo di

Cuido Medico na HOH

TA intencion pa awe mainta Hunta di Supervision
presenta e Director di Cuido nobo pa Dr. Horacio E.
Oduber Hospital. Ta trata aki di Freek Korver (56),

kende tin amplio experiencia den cuido medico na
Hulanda. E lo bira e susesor di Ezzard Cilie, pa
kende algun dia caba e Hunta di Supervision tabata
busca un candidato.
Unabes cu e Director nobo aki keda presenta, Ezzard
Cilie lo bandona su encargo y ya caba tin otro reto

pa bay cumpli cune. Esaki el a duna di conoce algun
dia pasa, cu asina cu HOH haya un persona pa su
funcion, e ta bay. Ta keda na Hunta di Supervision
pa bis’e ta ki dia e ta bay.
Porfin a haya un candidato nobo, kende te reciente

tabata miembro di Raad van Bestuur di Alrijne
Zorggroep na Hulanda. Hecho ta y e sa esey tambe
cu e tin un reto grandi pa maneha cuido medico di
Dr. Horacio E. Oduber Hospital.
Y maske ta ser bisa cu tin un candidato pa bira
Director Financiero, den lugar di Theo de Kool, y te

hasta a ser bisa cu ta trata aki di e Director Financiero
di IMSAN, sr. Croeze y cu e lo asumi dicho funcion
dia 1 di di april awor, ta resulta cu esaki no ta cla
ainda. IMSAN no kier perde sr. Croeze.

Como cu recientemente a nombra Ronny van Trikt
como Crisis Manager, y kende tin conocemento
di maneho di finanza, el a ser pidi pa keda
temporolmente como Director Financiero di HOH.
Mientras cu lo sigui busca un candidato Arubiano,
manera ta deseo di Minister Dangui Oduber.

Ban yuda Scol Cacique Macuarima
Haci bo donacion facil, via Pay.aw.