Page 53 - MIN VOS

DEPORTE Dialuna 30 OctOber 2017
A21

Prome victoria pa seleccion baseball pa clasifica pa CAC

ORANJESTAD – E seleccion di Aruba baseball clase
AA a logra nan prome victoria pa asina clasifica pa e
Weganan Central American and Caribbean Games
(CAC) na 2018.

E seleccion a perde e prome wega pa motibo cu nan a haya re-
traso cu nan vuelo, asina e fuente 297 Sports ta bisa. E campe-
onato pa clasifica ta tumando luga na Santo Domingo. Nan a
gana di e seleccion di US Virgin Island cu 11-6. E siguiente
wega ta contra e seleccion di Corsou.

E 25 hungado cu 4 miembro di staf a bula diabierna pasa pa
Santo Domingo. Na aeropuerto nan a ricibi nan uniform
nobo. President di Fundacion Lotto pa Deporte Di-Stefano
Wernet tabata contento cu nan por a sponsor e team pa asina
nan por a bay afo. Nan a sponsor e bond di baseball ABBA
cu 32.000 florin pa yuda paga tur cos cu tabata falta, e ta bisa.

E seleccion tin mas o menos 2 luna den preparacion, cual no
ta suficiente p’e coach, asina e bond ta informa den un relato.
“Esaki ta un comienso unda cu Aruba ta cuminsa competi na
Santo Domingo, pero tin un plan pa otro aña competi den
mas campeonato den exterior.”

Hopi a participa na walk & run Mary Joan Foundation

ORANJESTAD – Ayera atuma luga e 5 y 10k walk & run di Mary
Joan Foundation den cuadro di nan campaña henter luna di october
unda ta pidi atencion pa e lucha contra cancer di pecho.

E evento deportivo tabata uno exitoso segun e organisacion. Fuente 297
Sports ta menciona cu hasta e tabata ‘sold out’. Nan potretnan ta mustra un
gran variedad den edad di e participantenan. E organisacion a habri e evento
cu e banner Don’t face breast cancer alone carga pa Marayah Heronimo
hunto cu e tres ganado di medayanan na Suramericano Hubenil, Keeley
Maduro y rumannan Chiara y Sophia Petrocchi.