Page 23 - MIN JUS Updated Newspaper

e mandatario a bisa cu el a traha hunto cu e ekipo chikito di funcionarionan publico e tabatin na
su disposicion. Sigur, no lo a logra bon cifra si no tabata e maneho cu nan a bin ta hibando.

El a sigui bisa cu e relato anual di 2013 di Cuerpo Policial tin tur e cifranan di e trabou cu nan a
haci den e aña ey y por lesa tur tipo di droga cu a wordo confisca y e cantidad di cada un. E ta un
documento cu ta disponibel pa e Parlamentario. Pesey e no ta compronde di con cada biaha e
mesun pregunta ta wordo haci.

Pa loke ta delito, el a sigui splica, nan tin cifranan cu ta mustra den ki bario e ladronnan ta opera,
ki ora mayoria robo ta tuma luga y kico ta loke ta wordo horta. Pues debidamente Husticia tin
estadisticanan cu nan por traha cune, contrario di tempo di gobernacion di MEP. Por ehempel,
den Paardenbaai tabatin hopi auto a wordo horta den 2013. Pues Cuerpo Policial tin tur e
tendencianan a base di cual por ataca e problemanan, contrario na loke oposicion ta bisa cu no tin
ningun dato.

http://www.diario.aw/2015/05/cuerpo-policial-tin-cifranan-cu-ta-mustra-den-ki-bario-ladronnan-ta-
opera/