Page 12 - bon-dia-aruba-20210528

a12 riba caya
Diabierna 28 Mei 2021

Accidente cu cuatro auto riba caminda di Santa Cruz

Diahuebs ultimo den oranan di merdia riba caminda principal
di Santa Cruz poco mas pariba di wema un accidente cu cuatro
auto a sosode debi cu chauffeur di un altezza no a regula su
velocidad y distancia dal basta duro tras di un hyundai accent
pa despues e accent a dal tras di un nissan march y e march a
dal tras di un kia sportage. Daño material tabata considerabel y
e altezza a keda basta kibra. No tabatin ningun persona herida,
polis di trafico y roadservice tabata presente pa tuma dato.

Auto a lora dilanti motociclista riba LG Smith Blvd

Diahuebs prome cu 7or di mainta riba LG Smith Blvd a sosode un
accidente net na e tweg pariba di Parlamento unda chauffeur di un yaris a
lora dilanti un motociclista. E homber riba e brommer a resulta herida y
tabatin basta sla na su curpa. Polisnan a yega basta lihe na e sitio pa cera
caminda y solicita trafico pa investigacion. E prome unidad di ambulance
a presenta basta lihe pa atende cu e victima y transporta e victima pa
hospital. A dura algun rato pa departamento tecnico y specialista di
trafico haci nan investigacion completo cu midimento riba e caminda
unda e accidente a tuma luga. Segun e chauffeur el a haya un chens pa
lora pero debi na e solo cu tabata saliendo e claridad a causa cu e no a
mira e brommer y asina a bira na su man robes pa drenta Oranjestraat.