Page 35 - HOH

- Advertisement -

Stefan Lucas, Presidente Fundacion BOB:

ORANJESTAD (AAN) – Diamars atardi, Fundacion BOB a ofrece un conferencia di
prensa, relaciona cu e Luna di Concientizacion riba cancer na pecho, unda a duna
enfoke na e importancia pa realiza e mammogram.

Diantha Nuesch, Relacionista Publico y Marketing Medewerker di Stichting BOB Aruba, a
haci e introduccion, y seguidamente a hiba palabra sr. Stefan Lucas, Presidente di e
fundacion BOB y dr. Vanessa Lovert Williams, Coordinerend Radioloog den e Fundacion.

Sr. Stefan Lucas a enfoca riba e importancia di e sondeo di pecho y dr. Vanessa Lovert
Williams a elabora tocante e edad cu Fundacion BOB ta haci e test cu ta wordo cubri pa
AZV.

Den e informacionnan cu tur razon ta enfatiza e problema creciente rond di cancer di
pecho y e importancia pa controla esaki preventivamente. Sinembargo, sr. Lucas a
trece dilanti, den algun publicacion ta cuestiona e uso di mamografia (röntgen) pa e
screening y si e ta adecuado pa deteccion di cancer di pecho. Algun bez ta wordo indica

cu e uso di mamografia ta hasta dañino.

“E tipo di informacion aki ta preocupa nos, pasobra e screening a base di mammogram
ta internacionalmente mira na e momento aki como e standard absoluto. Nos di

Stichting BOB, ta conduci nos screening pa cancer di pecho for di e base di mamografia
y cu esaki ta sigui e programanan di entre otro Merca y Europa”, sr. Lucas a expresa.

“Nos tin contacto frecuentemente cu e docternan, specialistanan medico na Aruba cu ta

envolvi den diagnostico y tratamento di pacientnan cu cancer di pecho y nan opinion
encuanto di e uso di mammogram pa detection y tratamento di cancer di pecho y si
esaki ta cuadra cu nos pensamento y forma di traha.

“ Pa medio di mamografia por detecta e cancer di pecho na tempo ainda. Di e manera
aki ta hisa e expectativa di bida di e pashentnan. Danki na e metodo di mammogram
por detecta e cancer di pecho hopi mas tempran compara cu un ‘echo’ den cual ta mas
dificil pa haya den e stadia hopi tempran.