Page 12 - AM200907
P. 12
12 AWEMainta Dialuna, 7 September 2020
Homber a haya tres impacto di
bala pa horta su Ford Fusion pa
cende na candela un rato despues
DIABIERNA anochi pa mas o menos 9:20 informa-
cion a drenta cu un persona lo a ricibi tres impacto
di bala. Mesora patruyanan di San Nicolas a cuminsa
bay e adres cu ta un poco mas panort di e rotonde di
Weg Fontein.
Na yegada di Polis, e victima den tur su dolor a conta
Polis mas o menos kico a pasa y cu nan a bay cu su
auto tambe. Esaki a wordo haya algun rato despues na
Zeewijk y tabata na candela.
Cuerpo Policial a emiti un relato oficial y ta bisa lo
siguiente: “Diabierna 21.20 melding a drenta via Cen-
tral di Polis cu un persona a wordo tira na un cas na
Weg Fontein. Na yegada di patruya a constata cu e
persona tin 3 perforacion di bala y el a declara cu 3
hende homber a horta su auto Ford Fusion color shini-
shi. Cu maximo urgencia e persona aki a wordo hiba
hospital.
Departamento Tecnico di Cuerpo Policial, Recherche
San Nicolas y Slachtofferhulp tabata n’e sitio.
N’e momento informacion a drenta via Central di Polis
cu a haya e Ford Fusion na candela na altura di san-
tana di Zeewijk”.
Esnan concerni ta hacienda e investigacion necesario.
