Page 40 - AHATA
P. 40
Oduber: Lo actua contra kiosconan
illegal riba hotel strip na Palm Beach
Posted on 05/14/2018 12:46 pm AST | Updated on 05/14/2018 12:55 pm AST
ORANJESTAD – Esnan cu tin un kiosco of borchi ilegal poni riba tereno publico
riba e hotel strip na Palm Beach ta haya un periodo pa regla nan asuntonan, of lo
keda desaloha di eynan. Asina minister di infrastructura Otmar Oduber a bisa
durante un conferencia di prensa dialuna. E intencion ta pa reinforsa y ‘republica’ e
maneho di 2010 pero e biaha aki si manera mester ta. E tempo ey, segun Oduber, e
minister encarga a opta pa no actua debi cu tabatin amigonan di dje cu lo a keda
perhudica y a para e maneho.
TEMPO
E minister actual di infrastructura a mustra cu e periodo cu tin pensa di duna pa esnan
eynan regla nan asuntonan por ta entre 3 pa 6 luna, pero esey no ta determina ainda. E
intencion ta si, pa e biaha aki actua cu man duro, pa evita e ‘wild grow’ di e borchi y
kiosconan manera cu tabata e caso na 2010 y cu e ultimo 5 pa 6 aña a bolbe bira un
locura.
