Page 2 - MIN ROBERT CANDELARIA

Augustus 24, 2017
www.awemainta.com
www.facebook.com/awemainta
noticia@awemainta.com
583-1400

Porfin ayera mainta, manera anuncia
A CUMINSA NA BASHA ABAO

EX-BUSHIRI BEACH HOTEL

AYERA mainta, Gobierno, representa pa Prome Min-
ister Mike Eman y hunto cu Minister di Infrastructura,
Benny Sevinger tabata presente n’e sitio di ex Bushiri
Beach Hotel, pa hunto cu varios miembro di Parlamento,
ta testigo cu porfin a dicidi di basha e loke tabata un
hotel y skol di hoteleria abao E contratista cu tin e re-
sponsabilidad aki, “We Built” tin masha experiencia den
tratamento di asbest y como tal a gana e destaho publico
pa haci e trabao aki, cu manera su Director, van der Broek
a bisa, cu den 40 pa 45 dia e ta keda completamente cla.

Ayera den dia

1 DI E 5 DETENIDONAN DEN CASO

IBIS A SER LAGA DEN LIBERTAD

AYERA den dia, maske cu Fiscal den prome instante a dicidi pa prolonga
detencion di tur detenido cu tin awor den e caso Ibis, unda despues di
detencion di Minister Paul Croes y su colaborador Aparicio, haciendo e
detenidonan na 5 en total, Fiscal a cambia di opinion pa loke ta trata di
Chelito Schwengle y a lagu’e den libertad.

Kier men awor tin solamente 4 persona deteni cu Minister Paul Croes,
Feliciano, Capriles y Aparicio. Schwengle tabata un di e promenan cu keda
deteni den caso Ibis y a keda sera pa sigur 4 luna y algun dia. Esun cu tin
mas dia deteni ta Feliciano, y observadornan ta puntra ta dicon e no a ser
laga den libertad ainda.
Tur otro cu a keda deteni despues di nan, tur a ser laga den libertad, pero
manera Procurador General mr. Alexander van Dam a declara, maske cu
nan ta den libertad, nan ta keda sospechoso.