Page 57 - MIN ON 16 SEPT 2015
P. 57
Proyecto Earn Your Future: Muchanan contento despues
di a siña maneha nan zakgeld
on: Wednesday, September 16, 2015In: LocalNo Comments
Print Email
‘Dushi, leuk, nos ta siña cosnan nobo’ y ‘no gasta placa pa loco pero spaar mas’ ta algun di e
comentarionan cu e muchanan ta duna despues di a siña con pa spaar placa y maneha un
presupuesto por medio di Earn Your Future.
PwC Aruba ta sigui cu e proyecto Earn Your Future, bishitando scol tur rond di Aruba. Desde cu
a start cu Earn Your Future nan a bishita Scol Basico Washington, Cacique Macuarima School,
St. Michael School, St Fransiscus College y Colegio Frere Bonifacius.
A pesar cu ta dos les so e muchanan ta haya, por mira e resultado di esaki den e entusiasmo cu ta
reina bou di e hobennan di 6de klas. E muchanan ta contento y tin hopi discusion interesante ta
tuma luga den e klasnan unda cu e hobennan ta intercambia di idea riba con ta e mihor forma pa
nan spaar nan placa y ki ora pa uza esaki.
E esencia di e programa Earn Your Future di PwC Aruba ta pa siña e muchanan con pa maneha
nan placa y con pa spaar. Den esaki e muchanan lo siña cu tin cosnan cu ta necesario y tin
cosnan cu no ta necesario y con pa pone nan prioridadnan. Despues cu aña pasa e proyecto Earn
Your Future a ricibi un bon acogida y tabata un exito, a tuma e disicion pa haci esaki e aña aki
atrobe. E aña aki alrededor di 20 scol ta participando y lo tin entre 26 pa 28 trahado di PwC
Aruba riba e proyecto aki cu lo tuma dos mainta y dos lesuur di cada scol. PwC Aruba ta busca
formanan pa sigui aporta na e comunidad y specialmente na e hubentud di Aruba.
