Page 5 - AM211021

Diahuebs, 21 October 2021 AWEMainta.com 5

Ta trahando riba solución pa

planta di purificación di awa

Pa algun tempo caba a bin ta scucha e problema cu
tin n’e plantanan di procesamento di awa residual
conoci como RWZI. A bin ta deliberando tambe
riba e posible solucionnan. Pero e ta un situacion
hopi fastioso, pasobra e ta manda holo masha
malo. Esaki ta debi n’e fluho grandi di awa cu a
crece.

Den un conferencia di prensa a bini dilanti cu e
planta na Bubali ta ricibi diariamente rond di 8 mil
cube di awa. Esaki caba ta mustra e realidad, ya cu
e ta diseña mas o menos 50 aña pasa pa acapara
4.500 cube di awa pa dia.
E aña di existencia di e planta aki ta haci cu e
aparatonan cu tin den uzo no ta mes eficiente
manera antes. Principalmente pa loke t’e oxigeno
necesario pa circulación den e awa, cu awor ta na
50% di su capacitad so.
Cu tempo a trata di remedia e sistema aki, dor di
crea un sistema pa hinca oxigeno den awa, cu e
meta principal di minimalisa e holo malo di e awa
sushi.

Na 2019 a hinca un sistema kimico. Mirando cu e
bacterianan no haya suficiente oxigeno, a cuminsa
produci bacterianan cu ta keda drief den e awa.
E meta ta p’e kimico evita cu e lodo ta pasa den
Bubali Plas. Ta inyecta esaki na final di e proceso
p’asina wanta tur e lodo den e awa, den e sistema.
Na aña 2020 a haci un inversion di 3,8 miyon florin
p’e tres plantanan. DOW a cumpra diferente ekipo
pa percura cu ta cumpli cu e normanan di higiene,
pa loke ta bacteria.

Tambe a percura pa bin cu algun pomp nobo. A
inverti den un sistema cu ta notifica ora cu awa
ta subiendo caminda. E sistema aki lo por preveni
esey dor cu den e cashi nobo tin un sistema di
telemetria cu ta duna señal.

Un pomp cu cay afo, e sistema lo por duna un señal
n’e piket dienst p’asina atende cu e situacion. Tin
un periodo di mas o menos 2 ora pa ‘overbrug’ y den
e caso aki por bay over pa elimina of minimalisa e
cantidad di awa sushi cu ta bin riba caminda.
Na 2021 a pone un suma disponibel p’e reparacion
di e tanki, cu tabatin cracknan caba y cu lo por a
causa cu si esaki kibra, 8 miyon liter di awa sushi
riba e area turistico.
Esaki lo por tabatin un impacto hopi negativo pa
Aruba. E ta algo cu ta den pleno ehecucion y ta
premira pa caba fin di november. Ora di caba ta
elimina un menasa p’e besindario di henter e area
ey.

Di e suma di 3.8 miyon florin cu a pone pa inverti,
casi 85% ta uza caba na material di cual 65% ta
L O C A T E D A T B U C U T I
instala. Entre nan mayoría di e pompnan den e & T A R A B E A C H R E S O R T
plantanan. Pues ta trahando duro pa soluciona e
problema, maske cu e opinión ta cu mester pensa e l e m e n t s a r u b a . c o m | + 2 9 7 5 9 2 5 8 6 8
na construi un planta nobo. A D U L T S O N L Y | C A S H L E S S | N O S M O K I N G | N O G R O U P S