Page 3 - AB

PAGINA 6 DIARIO DIAHUEBS 14 MAART 2024
Diabierna di 6’or pa 11’or pm:

Den Feria Cultural na Colegio
Nigel Matthew lo presenta obra

teatral “Greetings from Aruba”

*Tambe lo tin presentacion musical

ORANJESTAD (AAN) — Ferdinand Franca,
Docente di CKV-drama a yama un conferencia di
prensa, den cual el a duna di conoce cu conhuntamente
cu su coleganan Juffrouw Zayra y Juffrouw Bianca,
a prepara un obra teatral multidisciplinario, kiermen
tin teatro, musica, etc.
E obra aki ta tuma lugar den e Feria Cultural na
Colegio Nigel Matthew, di 6 or di atardi pa 11’or
di anochi, Diabierna di e siman aki, esta dia 15 di
Maart.
E obra aki ta cu Klas H-4. E studiantenan aki tin di
nan ta pa prome biaha ta subi riba escenario, pues ta
purba di desaroya mas e talento di e muchanan na
San Nicolas.
E obra aki ta titula: “Greetings from Aruba”
(Cumindamento for di Aruba). Ferdinand a bisa cu
esaki ta pone nos pensa y refleha kico ta loke ta pone
nos orguyoso di Aruba. “Pues, e obra aki ta un obra
original, cu nos ta bay pone tur loke ta e fiestanan
cultural y tur loke ta haci nos orguyoso di biba y a
crece na Aruba”, Franca a subraya.
Ademas di e obra teatral aki lo tin presentacion
musical di, Rincon Boys, Tipico Pegasaya, Massive
Brass Band, Queen IVY, King Carl, Easy 2, Galloway,
Robert Maduro, Azucar Band, y gruponan di baile
invita manera Step by Step, Grupo Dabaruida,
Saniflow, cu ta un grupo cu ta lantando awo, y cu ta
haya e oportunidad pa presenta loke nan tin.
Ferdinand a gradici nan sponsornan, entre otro
Ministerio di Finanza y Cultura, UNOCA,
Departamento di Cultura, Tropical Bottling Aruba,
High Performance, y Comision Celebracion Dianan
Nacional.
“Mi invitacion cordial pa un y tur pa pasa Diabierna
awo, no solamente pa celebra nos Dia Nacional, pero
tambe pasa un rato ameno y apoya nos talentonan. Telefonnan di DIARIO
Pasobra nos tin hopi talento aki na San Nicolas. Bin
te akinan pa bo celebra hunto cu nos”, Ferdinand 582-6747 Fax 582-8551
Franca a conclui.