Page 28 - Min ON, MAY 22

Pharetza Bertad Damon ta cordinadora y docente di Biba Amor na Curacao.

Nan a wordo invita pa bin Aruba pa train e docentenan pa e training y educacion por bai bon. Na
Curacao e parti aki a bai bon. Despues di un anja di evaluacion na Curacao e hobennan mes a pidi pa haci
esaki mas criyoyo. Esaki a wordo haci tambe unda a pone un docenten hand leiding y studentenan hand
leiding. Mescos a traha uno pa e mayornan pa drecha e relacion cu yiu riba educacion sexual. Educacion
mester cuminsa na cas pero no ta tur mayor ta cla pa pasa esaki pa nan yiu y pesey mester laga e
profesionalnan haci esaki. Cu e informacion corecto por tuma decision corecto riba e relacion sexual. E
gritonan tabata bin di e hobennan mes pa e informacion cu nan kier y tabata bon pa responde riba esaki.
E tema di sexualidad ta un delicado pero ta parti di bida y mester deal cune. Si no deal cune e si ta deal
cubo. Pharetza Bertad Ramon di Biba Amor a splica cu ora bo sa con bo curpa ta hinca den otro no por
laga hende mishi cu bo curpa. Mester para riba e tema di sexualidad cu ta hopi amplio. Sex ta e acto cu
por dura dos of tres minuut depende con bo ta hacie. Mester mira e risico cu bo ta hayabo cune si haci
relacion si proteccion. E mucha hombernan tambe mester sinja balora e mucha muher. Ora bo haya bo
natte droom bo mester ta responsable pa bo curpa. Loke ta sali for di bo curpa ta abo ta responsabel pe.
Ta hopi mucha muher ta activo tambe y nan mester haci uso di e proteccion responsabel pa tin un bida
sexual sigur y responsabel. Tin malesa cu no ta dunabo dolor pa bo sa cu nan tey. Si bo ta balora bo curpa
bo mester sa kiko ta bon. E mucha cu ta desaroya ta bira esun di mayan y ta bira esun cu ta forma e pais
Curacao y Aruba. Ta bon pa traha un bida salud entre e comunidad di Aruba y Curacao. Curacao cu
Aruba no ta leu for di otro. Ta conciente dor cu e hoben ta den epoca di experimenta riba droga y alcohol
ta bon pa educanan. Ta na su lugar pa duna aporte pa minimaliza e embarazo hubenil. Ta confronta
situacionnan similar na Aruba cu Curacao. Di mainta te cu atardi. Ta pasa e theoria pa yuda e docente pa
pasa e informacion.

http://www.24ora.com/local-mainmenu-5/95402-gritonan-di-falta-di-informacion-pa-educacion-sexual-

tabata-bin-di-hobennan-mes