Page 41 - Min ON, MAY 22

22/05/2015

0 comments

Share

Proyecto VIBES4Youth cu algun workshop
interesante pa tur cu ta traha cu mucha/hoben

VIBES4Youth ta ofrece training pa tur esnan cu ta trahando cu mucha y hoben aki na Aruba.
Dos biaha pa aña VIBES4Youth ta ofrece un serie di curso, charla y workshop. Esaki ta riba e
area deportivo, educativo, recreativo y cultural. Na Maart 2014 a start cu e programa di
VIBES4Youth.

E programa ya caba a ofrece: Planmatig Werken (Traha segun Plan), Movecion Esta Bon 4+,
Opleiding Leider Sportieve Recreatie niv 2 y EHBO. Durante e lesnan e Lider ta haya mas
informacion di con pa organiza un actividad como tambe e siguridad, material y locacion di les.
Tur lider ta traha cu diferente grupo meta den diferente bario rond nos isla.

VIBES4Youth tin mas workshop interesante pa e lidernan aki. Dia 2 y 9 di Juni venidero den e
sala di reunion di ATHA, lo duna dos workshop cu e temanan: ‘Con pa anda cu gruponan dificil’
(omgaan met moeilijke groepen) y ‘Con pa engrandece e confianza y asertividad di mucha y
hoben di 6-16 aña’ (weerbaar maken van kinderen van 6 tot 16 jaar). Tur dos workshop ta
sumamente interesante pa lidernan como cu nan lo haya tips y sugerencianan cu nan lo por usa di
biaha pa nan grupo cu nan ta traha cune. E workshop ta ser duna pa sr Bert Wielenga cu pa algun
aña ta yuda VIBES4Youth pa trece themanan actual cerca e lidernan. E workshop ta uno
interactivo y ta completamente gratis.

Bo persona of organizacion kier mas informacion tocante tocante VIBES4Youth of pa inscribi pa
un di e workshopnan menciona por tuma contacto cu e persona di contacto: Roseline Manna na
telefon: 569-6406 of por manda un mail na vibes4youth@gmailcom