Page 19 - HOH

riba internet cu esaki lo por ta relaciona cu SARS, e virus similar na griep cu a mata
centenares di hende mas di un decada pasa.

Tabatin 27 caso di pulmonia viral di origen desconoci, raporta na Wuhan den e

provincia central di Hubei, segun e Comision di Salud di e ciudad a divulga via un
boletin.

Siete pacient tabata den estado critico, mientras cu e otronan tabata stabil y dos di nan

pronto lo por bay cas bek, segun e Comision.

E testnan preliminar di Laboratorio a descubri cu no tabatin un transmision di persona-
pa-persona, y cu ningun personal na Hospital a resulta infecta.

E investigacion pa cu e causa di e infeccion ta sigui wordo investiga. Tur e pacientnan a
wordo poni den cuarentena y nan famianan di mas cerca ta bao observacion
medico. Mayoria di e pacientnan tabata traha riba un Mercado di Pesca na e ciudad.

E noticia di e brote misterioso di pulmonia aki a pone cu hendenan a cuminza specula
cu esaki lo por ta relaciona cu e virus “Severe Acute Respiratory Syndrome” SARS, cu
tabata un malesa respiratorio hopi contagioso.

Varios funcionario di salud di Wuhan a bisa cu e causa di brote actual no ta hopi claro
ainda, y no por conclui tampoco si e ta virus di SARS.

Un team di experto di Comision Nacional di Salud a wordo manda Diamars pa Wuhan y
nan ta haciendo trabao di inspeccion y verifica e analisisnan. Pero si nan a pidi pa tur
Hospital na Wuhan pa nan duna tratamento mesora na pacientnan cu yega ta mustra
sintoma similar.

Organizacion Mundial di Salud (WHO) a critica China di no ta informa nan di e cantidad
di caso di SARS despues di e brote na 2003. Por corda cu SARS a mata 349 hende na
China, y como 299 na Hong Kong na 2003.

SARS a infecta como 8.000 hende rond mundo, y WHO ta mustra cu e virus a origina
na provincia di Guangdong na parti zuid di China.