Page 26 - AVP

Ing. Croes a menciona cu e añanan aki DOW ta trahando cu diferente contratista
chikito, cu ta duna e departamento servicio y nan tin un contrato firma cu nan.

E contrato ta stipula diferente condicion di trabao tocante kico ta wordo haci y con,

tanto di banda di DOW como di e contratistanan.

El a splica cu for di aña pasa DOW ta tratando di cambia su operacion pa nan cumpli cu
tur nan contratonan, y a cuminza papia cu e contratistanan riba cierto aspectonan cu

nan mester cumpli cu nan.

Entre otro, e sumanan cu mester wordo paga, manera BBO, na servicio di impuesto.
Esey a sosode na November 2018 y despues na Februari 2019. Pues tabata dos sesion,

pero lamentablemente e contratista no a reacciona riba dje, y DOW a cuminza un
procedure formal.

E contratistanan concerni a haya tres carta y nan no a cumpli, y esey automaticamente

ta duna DOW e opcion di termina e contrato y esey a sosode.

Esaki ta un asunto fastioso, Director di DOW a indica, ken a subraya cu DOW ta un
departamento cu ta traha cu integridad y transparencia y esey kiermen cu e

contratistanan tambe tin cu norma y balornan manera ta specifica den e contrato. Nan
wordo poni na haltura di esey y lamentablemente mester a finaliza e contrato, segun
Ing. Marlon Croes. El a agrega cu un contratista responsable e lo a cumpli cu su
impuestonan social, y asina nan por a sigui traha. El a subraya tambe cu tin un grupo di

contratista cu ta cumpli bon, pero otronan no.

Den e caso aki si un contratista ta sinti cu su derechonan a wordo trapa como
contratista chikito y como persona, e tin derecho semper di bay den bezwaar, y entama

un caso contra gobierno: DOW den e caso aki, pa wak kico Huez lo bisa.

https://www.diario.aw/2019/11/contratistanan-no-a-cumpli-cu-e-deber-di-paga-impuesto-manera-ta-
stipula-den-e-contrato/