Page 46 - AVP

e conferencia di prensa di Partido MEP diaranson atardi.

Wever-Croes a sigui bisa cu e paso cu Daphne a tuma sigur no tabata un paso facil, y ta desea Daphne tur cos
bon.

“Como Prome Minister di nos pais mi tin cu bisa cu e desaroyo aki nada no ta cambia pa Gobierno, Coalicion

MEP, POR, RED ta sigui goberna a base di e acuerdo di gobernacion “Hunto Pa Aruba” y nos lo sigui atende e
retonan real di nos pais y brinda nos pais e stabilidad cu Aruba mester. Pasobra na fin di dia, ta esey ta
importante. Ta stabilidad lo trece progreso y bienestar pa tur ciudadano especialmente na esnan di menos
recurso.

Mi ta lamenta e decision aki di un miembro di nos coalicion pasobra mi ta di opinion cu riba tur cos nos mester
di stabilidad. Nos tur hunto – Daphne tambe – a scoge pa un coalicion dos aña pasa pa trece stabilidad den nos

pais.
Nos cada un a pone nos interesnan personal y di nos partido un banda pa pone e interes di Aruba y stabilidad di
Aruba na prome luga.

Mi a compronde cu e decision ta basa riba malcontento con cos a bay, cosnan cu por a irita otro. Pero tur ta

parse mi cosnan cu por a wordo atendi na mesa internamente. Pasobra mas alew cu un ley of un iritacion entre
coleganan, tin e interes di Aruba y esey ta stabilidad.
Mi a compronde cu el a indica cu e lo sigui sostene e bon maneho di nos gobierno y mi ta conta riba esey.

Ban hunto demostra awor cu ta interes general di Aruba ta na prome luga. Ora bo curason ta cerca di pueblo,
bo ta haya solucion pa cualquier problema of situacion. Nos semper a pone interes general di Aruba na prome

luga y nos lo sigui hasi esey”, segun Lider di MEP, Evelyn Wever Croes.

https://arubanative.com/2019/11/14/lider-di-partido-mep-evelyn-wever-croes-apesar-di-e-retiro-di-
daphne-lejuez-gabinete-wever-croes-ta-sigui-traha-pa-trece-e-stabilidad-politico-cu-aruba-mester/