Page 61 - AVP

Parlamentario Marlon Sneek (AVP): Proyecto Watty

Vos Boulevard, Ehempel Ora Cu Gobierno Traha Cu

Vision

 Politica
- 13/11/2019

Proyecto Watty Vos Boulevard ta un ehempel con cla cu ora un Gobierno ta traha a base
di un vision, e ta logra mucho mas beneficio pa pueblo compara c’un Gobierno manera
cu tin awor aki, cu no tin vision y ta keda solamente castigo y problema serio pa pueblo.

Lider di fraccion di AVP, sr. Marlon Sneek durante conferencia di prensa di su partido, a
mustra cu e soft opening cu a tuma lugar siman pasa di e proyecto Watty Vos Boulevard
ta muestra con Gobierno di AVP a bin logra ehecuta un vision cu tabatin 30 aña den
preparacion.

Sr. Marlon Sneek a mustra cu mester a pasa den diferente proceso pa logra ehecucion di e
proyecto aki, cu ta sirbi interes di henter pueblo y caminda practicamente por tuma nota
di e alivio grandi cu e proyecto aki ta brindando na taxistanan, mayornan cu tin hiba
yiunan scol, ciudadanonan cu mester bay y bin for di trabou tur dia.