Page 34 - Awemainta

34 AWEMainta Diaranson, 17 Februari 2016

Cu Santo Sacrificio di Misa

SV RCA a recorda 82 aña y lo celebra
cu POWERADE 10K Run & 5.5K Funwalk

DIAMARS atardi un grupo di hungado, entrenadornan, lidernan

di team y fanatico a bini hunto como un famia na Kapel di Alto
Vista pa den un forma solem gradici Dios pa 82 aña di exsistencia.
Manera ya a bira un tradicion e gran celebracion ta diadomingo
28 di februari. Na e ocasion aki lo tin e popular POWERADE 10K
Run & 5.5K Funwalk. Manera ya menciona salida y yegada ta na
RCA Arena.
Participantenan tuma bon nota cu e 10K lo sali bay La Salle straat,
retonde Piet, retonde Ponton, retonde Tanki Flip, retonde Tanki
Leendert, retonde Paradera bira na man drechi, retonde Sero
Blanco, retonde Piet, retonde Ponton y yega bek RCA Arena pa un
total di 10.2 kilometers.
Directiva kier gradici KPA pa nan cooperacion pa e permiso y cu
por organisa dos ruta.
Tambe Directiva kier informa cu lo tin asistencia Rode Kruis, un
total di cinco marshalls riba Harley, DJ MCK, free massage, patia,
melon, refreshments Powerade drink, rifa di Awg 500,00 cash y un
bunita dry-fit shirt na momento di registra diabierna 26 di februari
di 5:00 pm pa 9:00 pm na RCA.
Ya caba a surpasa 300 participante cu a paga nan inscripcion. Pa
bo no keda afo, pasa awe mes na IBiSA, Welcome Back Snack of
na RCA despues di 5’or.
Na momento di paga Awg 20,00 bo ta ricibi bo banchi y na momento
di registra bo lo ricibi bo shirt y coredornan lo haya tambe nan #.
Di antemano danki pa bo ccontribucion na otro fundraising event
Tricolor. Por ultimo, diasabra awo 20 di februari pa 8:30 na CDGT
riba ritmo tamboras Tricolor RCA “BIG WHEEL LOTTERY powered
by POWERADE & KFC” vs. Dakota den gran clasico di futbol local.