Page 25 - ARUBA BANK

Conseho Di Minister Di Reino A Bolbe Cumpli Cu

Peticion Di Aruba Fecha Nobo Pa Trata Aanwijzing Ta

Dia 22 Di November

 Local
- 20/10/2019

Conseho di Minister di Reino, diabierne ultimo no a trata e concepto di ley pa duna
Aruba un aanwijzing y a cumpli asina cu peticion di Prome Minister Evelyn Wever
Croes. Pero inmediatamente a pone fecha di dia 22 di november awor pa trata e punto
aki, cu te ainda no a seer bari for di mesa.

Extraoficialmente nos tin entendi cu Prome minister Evelyn Wever Croes a papia cu
Secretario di Estado Raymond Knops diabierne merdia, pero nos no sa e topico di dicho
combersacion, pero sano huicio ta bisa cu sigur a papia di e Aanwijzing cu a dicidi pa
pospone su tratamento, pero cu e ta riba agenda atrobe pa Conseho di Minister trata dia
22 di november proximo.

Mientrastanto, despues di ausencia di varios dia, Aruba lo haya bishita atrobe di CAFT,
unda cu mester haya clarificacion riba e ‘conseho pa aanwijzing. Ta di spera cu e reunion
posponi di Parlamento lo trata e anulacion di e LAFT, cu Hulanda no kier mira ni tende
di dje. E reunion aki no a sigui siman pasa, y lo tin cu sigui a corto plazo, sigur prome cu
dia 22 di november awor.