Page 35 - ARUBA BANK

Dialuna, 21 October 2019 AWEMainta 3

Loke a ser considera un berguenza

IMF lo yuda Gobierno con maneha gastonan di personal mihor

“AWE tabata un di dos dia super exitoso pa Aruba y Minister Xiomara Ruiz
Maduro di Finansa, Asunto Economico y Cultura na Washington DC”, asina
Joselin Croes, Minister Plenipotenciario di Aruba na Merca a anuncia riba
red social.
E reunion cu IMF a produci varios acuerdo den cual e organisacion
internacional lo brinda un lista largo di sosten na nos isla.

E logronan en corto pa Aruba y principalmente p’e Departamento di Finansa
di Aruba ta:
1. IMF Financial Assistance Division lo yuda Aruba cu un analisis di e
gastonan di personal di Gobierno y lo bin cu un plan y consehonan con
pa maneha y mehora esaki;
2. IMF Tax Department lo haci un follow up meeting y lo yuda Aruba

cu e auditing y control di e cambionan y aplicacionnan fiscal y cu
capacitacion p’e organisacion:
3. IMF Financal Public Management lo yuda Aruba cu capacitacion y
training na tur e begroting coordinatorennan di Gobierno, Parlamento
y Departamento di Finansa via cursonan online y ayudo tecnico riba
con pa analisa, prepara y controla e presupuesto anual di pais Aruba:
4. IMF Statistical Department lo yuda Aruba cu experticio y capacitacion
pa siña nos con pa clasifica y traha estadistica di nos presupuesto anual:
5. IMF Western Hemisphere t’e departamento encarga cu tur proyecto di

Aruba cu lo coordina tur e proyectonan aki pa percura cu tur cos cana
conforme plan y pa yuda nos tene cuenta cu e impacto financiero di e
situacion na Venezuela pa nos finansaa;
6. IMF Department of Monetary and Capital Markets Department lo
yuda Aruba cu un analisis di su maneho di tur su debenan:
7. WorldBank lo yuda Aruba cu un posibel Debt Conversion of Blue
Bond pa proyectonan di Blue Economy na Aruba:

8. Tur e ayudonan aki ta completamente gratis y no lo costa e pueblo di
Aruba ni un florin.

Asina cu pueblo a tuma nota di acuerdonan aki, du yudanza cu IMF y World
Bank ta brinda, ta surgi e pregunta si no tin hende capacita na Aruba pa haci e
trabao aki? Manera a ser comenta, esaki ta un berguenza nacional, anto mihor
Gobierno aki baha pa laga IMF bin maneha Aruba.