Page 12 - MIN JUS 2 MARCH 2016

Ahustacion den reglanan di ziektemelding ta hustamente pa
proteha e trahadonan cu si ta cumpli cu nan trabao

Tuesday, 01 March 2016 20:34
Comparti

Tin biaha situacionnan den KIA mes ta haci cu trahadonan ta meld ziek. Segun Minister di Husticia
Arthur Dowers, esaki por wordo evalua door di departamentonan cu ta traha riba e aspecto di
Arbeidsomstandigheden pa mira si tin cualkier condicion di trabao cu por influencia un hende su estado
di salud.

Loke cu gerencia di e organisacion ta bisa ta cu tin hopi hende cu e forma con ta meld ziek ta duna
indicacion cu no necesariamente ta e trabao ta hacie, sino un sistema cu nan a custuma cune y no ta awe
e cos a cuminsa. Si bay bek den historia lo mira tambe cu minister di Husticia den pasado masha
desespera pa loke ta trata e asunto di ziekmelding, pero no ta bay ataca ningun hende y haci’e un
discusion. E cos principal ta pa traha regla y laga tur hende tene su mes na regla. Y si tin condicion di
trabao cu un trahado no ta di acuerdo cune, no ta rason pa meld ziek. Tin sindicatonan, tin
representantenan di trahadonan, tin diferente sorto di structura di discusion den e organisacionnan aki,
caminda cu por trece puntonan dilanti y yega na un solucion. Ora cu algo practicamente a bay for di man,
e ora a bin discusion, pero nunca ora traha pa solucionnan, hende no tey pa traha pa solucion. Hopi
biaha tampoco ora cu e problema a nace y mester wordo discuti, si ta trata di mas trahado, tin den e
organisacion mes y comportacion di un hende, no ta discuti pasobra nan no kier keda malo na otro. A
yega tempo pa discuti habri riba e diferente terenonan aki y pa yega na solucionnan tambe. Minister
Dowers a splica cu a traha un maneho y mand’e pa tur sindicato. A discuti cu sindicato caminda nan a
duna nan punto riba dje. Un di e punto tabata cu nan ta haya cu no mester bin cu un regimen mucho
strak pa loke ta ziekmelding, dus ora cu un hende mester meld ziek pa no bin cu un cos mucho strak,
pasobra e lo buta cu hendenan cu no ta meld ziek nunca, cu nan lo bin na un regimen cu ta hopi streng. A
yega na un acuerdo cu sindicatonan cu ta laga e sistema di ziekmelding practicamente manera cu e ta, cu
esey ta e afspraaknan, cu por meld ziek 2 ora prome cu e warda cuminsa, Pero cu lo bin cu un regimen
mas estrecho cu esaki y esaki lo conta unicamente pa esun cu ta un frecuent ziekmelder. Esun cu nunca
ta meld ziek of meld ziek un biaha pa aña por ehempel no tin molester di e regimen nobo. E hendenan cu
si ta frecuent ziekmelder si. A debati cu sindicato y a tene cuenta tambe cu loke sindicato ta pensa. Un
otro punto cu a bin dilanti ta cu ora un hende meld ziek na trabao, cu e no mester di warda permiso di e
hefe di trabao pa e por bandona su trabao. A bisa cu lo bay di acuerdo cu esey. Si meld ziek na trabao,
mester meld si na hefe y e na su turno ta meld na su hefe y despues por bandona trabao. Si a constata cu
prome cu e ziekmelding a tuma luga, e hefe por yama e trahado despues pa un combersacion mas amplio
y e por tin consecuencia si yega na conclusion cu no ta trata di un ziekmelding, sino un situacion cu e
trahado no tabata di acuerdo cu discusionnan, regla of stipulacionnan di trabao. Esey ta algo cu e
sindicatonan tambe mester keda perhudica trahadonan cu si ta duna di nan banda pasobra tin hende cu
no ta tene nan mes na regla. Por bisa cu e minister ta satisfecho cu e areglo cu a yega cu otro y ta spera cu
por duna su resultado. Lo bay tin un evaluacion despues di tres luna y basa riba esey por drecha paar di
cos. Ta habri cu e sindicatonan riba esaki y splicanan e rason pa haci esaki, no ta pa molestia ningun
trahado, sino hustamente pasobra ta kere cu e trahado merece di tin claridad riba su derecho, pero
tambe e bon trahado, cu ta hopi dedica na su trabao, mester tambe proteccion contra esun cu ta hopi
menos dedica, segun minister Arthur Dowers.