Page 35 - MIN JUS 2 MARCH 2016

8 AWEMainta Diaranson, 02 Maart 2016

Dangui Oduber (MEP): “NOS unico pilar economico ta turismo y nos mester percura pa cuida

Pa garantisa un esaki mas cu nos por. Nos tin e deber y obligacion pa haci tur loke ta na
turismo solido y nos alcanse pa nos tin un pais cu ta ofrece lo miho na turistanan pa nan
duradero mester un por keda bin nos pais”, segun Dangui Oduber.
masterplan pa turismo!
“Na monento cu bo tin un Minister cu no tin vision y mas bien ta traha
ad-hoc nos turismo ta core risico pa bay den crisis. Netamente esaki
ta loke ta pasando actualmente riba nos pais. No solamente grado di
ocupacion na hotelnan ta cayendo pa 9 luna consecutivo, sino REV PAR
tambe ta cayendo pa 9 luna sigui.
Banda di esaki e market share di nos prome mercado turistico cual ta e
Mercado Mericano tambe a disminui durante ultimo 5 añanan.
Si na aña 2010 e market share di turistanan Mericano tabata 65.1%
aña pasa, na aña 2015 esaki a baha te na 50%, cual ta un caida di 15%.

Esaki ta un preocupacion grandi mirando cu nos ta birando mas y mas
dependiente riba e mercado Venezolano, cual crecemento por wordo
considera como uno ficticio. Un Minister di Turismo cu ta traha na
biniestar di e pais aki y kier percura pa tin un turismo solido y duradero
lo mester a traha un masterplan no awo, sino 6 aña pasa caba.
Na momento cu bo turismo ta wordo maneha pa decisionnan ad-hoc
manera ta pasando na e momentonan aki bo ta den problema serio”,
Dangui Oduber ta splica.

“Nos turismo mester un masterplan cu mester bira un vision pa e proximo
10-15 anjanan. Nos mester por proyecta den e masterplan aki cu cuanto
stayovers nos kier y por crece como pais. Nos mester por proyecta of
en todo caso pone como meta cu cuanto turista crucero nos kier of por
crece. Mester inclui den e plan aki tambe e ley di ordenansa teritorial.
Mester stipula cuanto camber di hotel lo por bin acerca pa e proximo
10-15 añanan.No solamente mester wak cuanto camber di hotel mester,
sino tambe ki clase di hotel bo kier atrae.

Na e momentonan aki nos mester sea hotelnan di
calidad, hotelnan di 5 strea of boutique hotels cu ta
hotelnan mas chikito y super luhoso. Nos mester por
ordena nos pais na un manera organisa.

Actualmente nos pais no tin regla, Gobierno mes no ta
respeta nos leynan y mas bien ta trapa riba esakinan y
mucho menos nan ta respeta maneho.
Ta depende ken bo ta ta e trato cu bo ta haya for di
Gobierno. Nos pais ta desorganisa, no tin un structura
y e imagen cu un turista ta haya ta un imagen di caos.
Nos mester por proyecta ki tipo di restaurantnan nos
kier aki 10-15 aña, cuanto supermercado mas nos kier
riba e pais aki.
Cual ta e zonanan cu bo kier ma desaroyo y unda
mester limita desaroyo.
Mester haci un investigacion tambe cuanto riba
vivienda, scolnan y e fondonan di pensioen y AZV.
Tur e ingredientenan aki mester bin den un masterplan
pa nos turismo. Nos mester por atrae mercadonan
nobo pa diversifica nos turismo. No manera ta e caso
aki caminda pa 6 aña e Minister di Turismo ta drumi
morto na soño y e aña aki kier purba diversifica e
mercado turistico.

Nos partido tin un plan y a sinta cu expertonan den e
area turistico pa haya nan feedback y tambe nan input
con pa mehora nos producto Aruba”, Dangui Oduber
a duna di conoce.