Page 23 - AM240422 2.1

Dialuna, 22 April 2024 AWEMainta POLITICA 23

A pesar di a yama Otmar Oduber irelevante
Toch Ursell Arends a scuche y a para un maneho inhusto

OTMAR Oduber di Plataforma Nos Pais ta sumamente
contento cu minister Ursell Arends a scuch'e riba e inhus-
ticia di cobransa na turista pa RWZI y e openair burner
na Parkietenbos. Cambio a tuma luga y esaki a pesar cu e

minister lo a declara cu Oduber ta un politico irelevante.
“Toch asina a logra para e bagamunderia cu e kier a haci di
cobra e turistanan un suma adicional na porta y tambe di
bin cu e openair burner”.

Otmar ta lamenta cu e mandatario ta pretende di bin cu un
politica nobo, mientras cu e ta considera un ciudadano sea
politico of no, como irelevante na un forma arogante. Di otro

banda, toch e ta sigui consehonan of ta scucha e criticanan
fuerte presenta door di e Plataforma.

Contrario na sr. Arends, Otmar Oduber a presenta prueba

cu ora e tabata mandatario y sr. Arends a pidi documento y
tabatin critica, sin cu e tabata poltico ainda, Oduber a invit'e
na su oficina y hamas a bisa cu e ta irelevante. Durante e
reunion, Otmar a dun'e tur e documentonan cu Ursell Arends

a pidi a traves di LOB. E tempo ey sr. Arends tabatin palabra
di elogio pa Oduber bisando cu esey ta e politica nobo, cu
Otmar ta habri pa duna informacion.

Cinco aña despues cu Ursell Arends ta sinta den stoel di
minister, e ta bisa cu Otmar ta irelevante, cu e no tin nada
di bisa y cu politicamente e no ta bal nada. “Otmar Oduber
tabata e di dos votegetter di nos isla. Ohala Ursell Arends un

dia por yega cerca di Otmar Oduber. Ta mustra si e arogancia
cu un politico no por tin”.