Page 16 - AM211108

Dialuna, 08 November 2021 AWEMainta.com 16

CORSOU Detenshon relashoná ku hinkamentu

WILLEMSTAD - Djabièrnè 5 di novèmber 2021, alrededor di 21.59’or, Sentral di Polis a dirigí un unidat di Otrabanda pa Hoekstraat,
pa un kaso di bringamentu i kaminda posiblemente un persona a keda hinká.
Na yegada di e unidat, el a bin topa ku un hòmber ku herida di hinká na altura di su barika.
E víktima a deklará ku e tabatin diskushon fuerte ku su bisiña i esaki a propin’é un hinká na altura di su barika. E agresor mes no
tabata n’e sitio mas.
Ku ambulans a transportá e víktima pa sala di emergensia di poliklínika pa tratamentu médiko.
Algun ratu despues, alrededor di 23.55’or, polis a detené e hòmber M.P.F. di 52 aña di edat nase na Sürnam p’e maltrato ariba
menshoná. A presenta e sospechoso dilanti un Fiscal, kende a ordena su detencion pa mas investigacion.

Kaso di tiramentu ku dos herido

WILLEMSTAD - Djadumingu 7 di novèmber 2021 alrededor di 04.31’or, Sentral di Polis a risibí diferente yamda di tiramentu na

un kas den Kaya Hector P. Curiel. Mesora Sentral a dirigí un unidat ku urgensia pa e adrès.
Na yegada di e unidat el a bin topa un dama ku herida di bala. Mesora a pidi presensia di ambulans pa transportá e víktima pa
sala di emergensia di C.M.C. pa tratamentu médiko.

For di investigashon n’e sitio, Polis a bin komprondé ku mas promé, un hòmber ku tambe a risibí varios herida di bala, ya kaba a
keda transportá ku outo dor di miembronan di famia pa C.M.C.
Tantu Reshèrshi Tékniko komo esun Táktiko ta investigando e kaso pa sa kiko ta kousa di e tiramentonan aki.

Detenshon relashoná ku violashon di lei di arma di kandela

WILLEMSTAD - Djasababra 6 di novèmber 2021 alrededor di 23.30’or, Sentral di Polis a dirigí diferente unidat di U.S.T. pa
Bargestraat bou di un palu, unda lo mester tabatin kuater (4) hòmber di kua un di nan tabata den posishon di un arma di
kandela.

Na yegada di e unidatnan, un di e hòmbernan a trata na kore bai na pia, mientras ku el a benta algu abou.
Polis a dun’e òrdu pa para i e no a sigui esaki. Tabata nesesario pa a lòs un tiru di atvertensia ku a obligá e sospechoso pa para.

Durante di investigashon, Polis a konstatá ku e hòmber aki lo mester a benta un arma di kandela abou i purba na hui for di e
sitio.
Mas leu den un tas ku e tabatin huntu kuné, a bin topa un kantidat limitá di un supstansia paresído na kokaína.
Mesora a hasi detenshon di e hòmber sospechoso C.A. v.d. H. di 42 aña di edat nase na Hulanda pa violashon di lei di arma di
kandela i di droga i a konfiská tantu e arma komo e droga.
A presentá e sospechoso dilanti di un Fiskal ouksiliar kende a ordená su enkarselamentu pendiente di mas investigashon.

Barku gigantesko a

drenta haf di Korsou

WILLEMSTAD – Diabierne mainta e barku
gigantesko Höegh Gallant a drenta haf di

Kòrsou pa haci algun reparashon den Dok.

Tabatin mester di a saka e barku di bela ku

tabata den haf pa seguridat di entrada di

Höegh Gallant.

Tabata sigur un bunita bista mira entrada di e
barku drenta haf di Kòrsou.