Page 7 - AM211108
P. 7
Dialuna, 08 November 2021 AWEMainta.com 7
Nissan March a ranca pal’i luz
ariba rotonde nobo di Ponton
Diasabra anochi presencia di Polis
di Trafico a wordo solicita n’e
rotonde nobo di Ponton.
Un Nissan March pa un of otro
motibo a subi e rotonde y a dal un
pal’i luz benta abou.
E auto a kibra y no tabata por a
move mas riba su propio forsa.
Takelwagen tabata presente y
tambe Forensys.
Dado momento e agente di
Forensys lo a pidi pa Polis di
Trafico, e lo a pensa cu e chauffeur
tabata burachi. Despues di basta
rato Polis di Trafico a yega.
Den algun minuut a laga chauffeur
di e March cu tabata hopi
cooperativo supla.
E test a sali negativo, pues e
chauffeur no tabata bebi y por
a sigui trata cu e Takelwagen pa
lanta su auto.
