Page 8 - ZENTIL 9NOV,2015
P. 8

di Vingtor-Stentofon i ta aktua komo un integrado di sistema. Justus Martens, Gerente General di
Curacao Growth Fund a bisa di ta masha kontentu ku e akuerdo aki: "E kompania ta brinda
servisio di kalidat i a sa di krese konstantemente den e último 10 añanan i nos ta masha kontentu
di anunsiá ku esaki ta bira e promé invershon di Curacao Growth Fund, establesí resientemente
na Kòrsou. komo doño nobo, nos ta komprometí di sigui e trènt positivo imponé dor di e
kompania internashonal Zenitel Group i nos lo sostené e ekipo di gerensia den forma stratégiko i
'hands-on'. Siendo un doño lokal, nos ta konvensí di lo añadí balor na e strategia regional di
kresementu di e kompania". CEO di Zenitel, Kenneth Dastol a komentá ku e transakshon ta
kuadra ku e strategia di Zenitel pa stòp ku nan operashon i maneho di ret di komunikashon i pa
enfoká mas den e kresementu di nan negoshi rendabel di benta di produktonan di Vingtor-
Stentofon. El a splika ku durante e diskushonnan ku Curacao Growth Fund, a bira kla ku e
kompania nobo ta komprondé e nesesidatnan di e kompania lokal i komo doñonan lokal, nan ta
bon stashoná pa añadí balor na e kompania, na e klientenan i na e empleadonan. El a agregá di ta
kontentu ku, komo parti di e akuerdo, Curacao Growth Fund lo bira un miembro di e Zenitel's
World-Wide Partner Network i lo merkadea i bende produktonan di Vingtor-Stentofon rònt di
Caribe i partinan di Latino America. “Tantu gerensia komo empleadonan ta masha kontenido ku
e kambio den akshonistanan, spesialmente pasobra ta un kompania lokal, esta Curacao Growth
Fund. Nos ta konvensí ku esaki tin benefisio so pa nos operashon den Karibe, enfokando riba
kresementu den region i inovashon di nos produktonan”, asina Bert Schreuders, gerente general
di Zenitel Caribbean a duna di konosé. Curacao Growth Fund ta e promé "Private Equity Fund"
na Kòrsou i ta establesí dor di Justus Martens i Erik Baas, dos spesialista den "private equity" ku
mas di 50 aña di eksperiensha internashonal den banko, finansiamentu di negoshi, akountent,
maneho di negoshi i maneho di invershon. E fondo lo konta ku invershonnan for di fondonan di
penshun, bankonan i kompanianan di seguro na Kòrsou. Ta bon pa bisa ku e promé i e
invershonista mas grandi te awó ta Algemeen Pensioenfonds Curacao (APC). E mishon di e
fondo ta pa invertí den kompanianan eksistente i bon establesí, pa desaroyá nan i hiba nan na
kresementu den añanan, basa riba inyekshon di kapital adishonal i di sosten stratégiko i kontinuo
di nan ekipo di maneho.
   3   4   5   6   7   8   9