Page 6 - LOTTO 29 MAY 2017

Presidente di Pesas, Sr. Hugo Themen a atende congreso di
International Weightlifting Federation na Bangkok, Thailand

Monday, 29 May 2017 07:01
Comparti

Riba invitacion di e federacion mundial di weightlifting IWF, e federacion di pesas local, Aruba Amateur
Weightlifting Association lo participa na e IWF Electoral Congress cu a wordo teni den e ciudad di
Bangkok, Thailand. E congreso aki tabata e dianan 29 y 30 mei 2017.

Den su calidad como presidente di AAWA, Sr. Hugo Themen a asisti na e congreso mundial di
weightlifting. Mester bisa cu lo tin eleccion pa diferente puesto den e constelacion di e federacion
mundial di pesas. Lo tin eleccion pa un directiva nobo, puestonan di comisario, comisionnan tecnico
como tambe medico y comite di coaching y research. Mester bisa cu den e IWF Electoral Congress aki tur
miembro di Pan American Weightlifting Federation tabata tey presente y tambe tin varios candidatonan
di continente Panamericano a postula nan mes pa wordo eligi pa un posicion den International
Weightlifting Federation. Ta bon pa menciona cu na 2016 durante di e congreso electoral di e
confederacion Panamericano de Levantamiento de Pesas pa e periodico 2016 pa 2020, sr. Hugo Themen
di Aruba a keda eligi como un di e tres miembronan den e Comite Tecnico Panamericano esaki cu 14 voto
di e 22 votonan disponibel.

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e
presidente di pesas pa e Electoral Congress na Bangkok,Thailand. Cumprando weganan di Lotto, e
Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini
Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa
organisa loteria, cambia bida di su hungadonan y na mes momento inverti den deporte local pa medio di
donacionnan na e Comision di Subsidio.