Page 24 - MIN ON MRT 24

E fin di siman nos dilanti, dianan 27-29 di maart 2015, e ‘Weganan Interinsular’ ta continua na
isla di Boneiro. E competencia ta den Futbol di Sala mucha homber pa Enseñansa Avansa y
Aruba ta bay hopi bon representa pa e hobennan di Colegio Arubano Oranjestad. Tambe tin
competencia riba tereno di Atletismo. Aruba su delegacion a wordo hopi bon entrena y prepara
pa sr. Wiwi Piña. IBiSA ta keda hopi positivo pa e resultadonan di proximo fin di siman na
Boneiro, como tal ta desea for di awor caba, e delegacion di Aruba hopi exito.
Pa un reportahe di potret di e actividadnan por bay riba Facebook di IBiSA of riba
website:www.ibisaruba.org .

http://www.24ora.com/deporte-mainmenu-7/93274-cacique-macuarima-school-di-aruba-ta-bira-
campeon-den-volleybal-di-weganan-interinsular

Voorlichtingsavond na Colegio EPI diabierna 27 di Maart

M onday, 23 March 2015 16:37
Comparti

Colegio EPI ta organisa diabierna awor 27 di maart su Voorlichtingsavond 2015 caminda lo
duna informacion valioso na tur studiante di scolnan secundario. E anochi di informacion lo
tuma lugar di 5:30 p.m. pa 8:00 p.m. den e Auditorium di Colegio EPI, caminda cu lo tin varios
booth di informacion di e opleidingnan.
Meta principal di e Voorlichtingsavond ta pa informa studiantenan di scolnan secundario EPB,
MAVO y HAVO tocante e opleidingnan cu tin na Colegio EPI y kico ta e rekisitonan di
admicion. Ta importante pa tene na cuenta cu pa wordo acepta pa un opleiding mester cumpli
cu e profiel cu e opleiding ta exigi. Colegio EPI ta encurasha mayornan tambe pa bin cu nan
yiunan pa asina duna guia y sosten den nan decision pa escoge un estudio.