Page 34 - MIN ON MRT 24
P. 34
E programa di OGM na Universidad na Aruba: E
comienso di oportunidadnan valioso
Tuesday, 24 March 2015 08:14
Comparti
Na e aña 2013 mi a gradua na Colegio Arubano, den espera pa un comienso nobo. Den e temporada ey mi
a dicidi pa no bay studia afor. Na mi fabor, mi a tuma e desicion pa inscribi na e Facultad di Accounting,
Finansas & Marketing na Universidad di Aruba, teniendo na cuenta cu esei tabata mi unico opcion.
Lastimamente, e estudio aki no a cuadra cu mi personalidad y mi interesnan personal. Despues di tempo
mi a bin den contacto cu e bachelor programa cu yama Organization, Governance & Management (OGM)
y mi a sinti cu ainda tin speransa pa mi akinan na Aruba. Mi a bira hopi interesa ora mi a lesa
conceptonan manera perspectiva di organisacionnan, sociologia, gobernacion y maneho. Mi tin di bisa cu,
uniendo mi mes na e programa di OGM tabata e mihor desicion cu mi a tuma den mi viahe academico. Te
cu awo como un studiante di prome aña di OGM mi a logra traha riba hopi projecto hunto cu mi
coleganan, mi a participa den un Field Study na Monumentenfonds Aruba, mi a bishita Aruba Animal
Shelter pa hasi un investigacion y actualmente mi ta trahando riba un projecto na Serlimar Sui Generis.
Mi ta rondona cu coleganan y docentenan cu ta encurasha otro.
E no tabata y ainda no ta fasil pa balansa mi bida academico y mi bida personal. Pero, mi ta enfoca riba un
meta, pa termina mi bachelor program cu un sonrisa riba mi cara. Pa conclui, mi lo kier comparti un
citacion di Malcolm X, cu ta bisa; “ Educacion ta nos paspoort pa futuro, mayan lo pertence na e
personanan cu ta prepara pe awe”.
Pa mas informacion tocante e OGM bachelor programa di 4 aňa mi ta referi na e anochi di informacion cu
lo tuma lugar dia 26 di Maart na Universidad di Aruba, J. Irausquinplein 4, Oranjestad di 6 pa 9 p.m.
Mi ta referi tambe na nos website:http://www.ua.aw/ogm of e Facebook page:
https://www.facebook.com/pages/University-of-Aruba-OGM-Organization-Governance-Management-
FAS/
