Page 15 - AVP

Drs. Mervin Wyatt Ras – Awor Cu Tin Coronavirus Na

Aruba Gobierno Mester Cancela Medidanan

 Politica
- 19/03/2020

Parlamentario drs. Mervin Wyatt-Ras for di december prome cu caso di Coronavirus a
surgi na Wuhan-China a manda pregunta pa Minister di Salud y despues pa di dos biaha a
bolbe manda pregunta pa nos pais prepara nos mes debidamente.

Wyatt-Ras ta considera positivo cu e acuerdo firma na 2015 pa loke ta trata International
Health Regulations entre paisnan den Reino sigur lo beneficia cooperacion entre e
paisnan aki y WHO y PAHO.

Sinembargo te diarazon cu a pasa Gobierno a core bin Parlamento pa duna cierto
splicacion y awe ta resulta cu tin varios caso caba. En bista di consecuencia di e virus aki
p’e economia y finanza di e paisnan infecta y manera Wyatt-Ras mes a bin ta trece
padilanti cu nos ta un pais turistico a spera cu Aruba lo a prepara mihor pa detecta
casonan.

Por a tende cu al fin Gobierno a anuncia den Parlamento cu e tin un plan di contingencia
aunke no ta cla kico esaki ta contene.

Segun Wyatt-Ras Gobierno mester cancela tur e medidanan cu tin den e presupuesto
2020 cualnan ta devastador p’e cartera di nos ciudadanonan y lo hiba nos hendenan den
pobresa. Ta inaceptable cu Gobierno den dia cla kier atraca nos ciudadanonan.