Page 43 - AWEMAINTA
P. 43
Diabierna, 23 Maart 2018 AWEMainta 43
Internacional
Diputado Chileno a pidi pa suspende Cumbre de
Las Americas pa motibo di e renuncia di e Presidente Peruano
E crisis politico na Peru ta surgi na momento cu
ta falta unicamente 22 dia pa e di 8 Cumbre de
Las Americas tuma lugar, ariba dianan 13 y 14 di
april.
E scenario den cual e encuentro aki lo por tuma
a lugar a hasi cu e Presidente di e Comision di
Relacionnan Exterior di e Camara di Diputado di
Chile, Vlado Mirosevic, a pidi pa e Cumbre keda
suspendi.
E legislador a bisa cu su propuesta no ta busca
pa hasi un gesto di repudio contra e Gobierno Pe-
ruano.
E Presidentenan di Argentina, Mauricio Macri y di
Colombia, Juan Manuel Santos, lo ta consideran-
do pa no asisti. Di su banda, e mandatario Meri-
cano, Donald Trump, ta mantene su intencion di
biaha pa Lima, segun fuentenan di Cas Blanco.
Maduro ta anuncia reconversion monetario
y ta elimina tres 0 for di e moneda
NICOLAS Maduro a anuncio un reconversion
monetario na Venezuela cuminsado for di dialuna 4
di juni proximo, y a elimina tres 0 for di e moneda.
“Mi a dicidi di reduci tres 0 for di e moneda y saca
for di circulacion e modelo monetario actual y hinca
den circulacion un modelo monetario nobo cu tres
0 pa garantisa cu e pueblo di Venezuela lo mantene
su actividadnan monetario”, tabata palabranan di e
mandatario durante un transmision via VTV.
Ta bon pa destaca cu e aña aki ta hasi 10 aña for di
e ultimo reconversion monetario.
Den palabranan di e propio Nicolas Maduro, e mone-
da nobo lo carga e nomber di “Bolivar Soberano”.
