Page 11 - KPA

ORANJESTAD(AAN): Na Esmeralda un homber hopi droga a keda deteni pa Polis. Nan
tabata patruya eybanda a base di cierto movecionnan sospechoso. Durante patruya a
bin topa tambe cu un auto sospechoso.

Tabata un pickup blanco dobel cabina. Ora cu a bay atende cu e chauffeur, a
topa cu un homber mal droga na stuur. E cachete tabata janga so. Polis a
puntre kiko e ta hacienda eybanda. El a contesta cu e tin flat tire y mester di
yudanza. Yudanza nunca a yega. Ademas Polis a haya e situacion hopi
sospechoso. A escohe pa no laga e homber bay cu e auto den e forma droga cu
e tabata. E homber no a aprecia loke Polis kier a haci y hasta a cuminsa falta
respet pa autoridad. Nan a atende cune seriamente. A detene y bay cune warda
cu dogcatcher. E auto a wordo hala na banda. Polisnan mes a pusha e auto cu
su flat tire y sera esaki na yabi. E splicacion cu e homber a duna Polis no tabata
asina convincente. Ora e bin bek na tino lo dune su yabi di auto.