Page 40 - flip min.vos

DIAMARS 24 FEBRUARI 2015 DIARIO PAGINA 37

Situacion di plas di awa rond di parkeerplaats
nobo di HOH no ta completamente resolvi

ORANJESTAD (AAN) --
Tocante e informacion cu
Matutino DIARIO a ricibi for
di un funcionario di Hospital
dr. Horacio Oduber, relaciona
cu e plas di awa riba tereno di
Hospital, un trahador a pidi
nos redaccion pa djis cana un
rato rond di e parkeerplaats pa
uso di trahadornan.
Despues di a tuma nota di
algun dato adicional, un
reportero a bay aya y mira cu
berdad tin un sorto di canal
cu yen di awa cu ta rondona e
stacionamento. Por a mira cu
tin un parti cu ta contene awa
limpi y transparente, y un parti
basta largo di e canal ta yen
di awa sushi cu ta hole masha
stinki (e ta mustra manera awa
cu habon) y e den e awa tin yen
di sushedad, entre otro saconan
di plastic, pida papel pareci na
esnan uza den oficina pa tuma
nota, boter, etc.
Sigur un mahos bista, cu ta
parce straño cu si nan a pomp

e awa aki no a lanta tur e
sushedad aki.
Riba e tereno mas pabao si
ta mustra cu e volumen di
awa a baha pero ainda tin
como tres pos y posiblemente
door cu awacero fuerte a
cay den madruga, e plas di
“groundwater” a bolbe crece
awor combina cu awa di
yobida.
Algo cu a straña nos reportero
ta cu ora e tabata cana riba un
parti di e tereno cu tin asfalt,
el a sinti comosifuera su pia ta
bay un tiki aden, manera e ta
cana riba “tera cu ta move” y
ora ey el a cana bek pa sali for
di e tereno.
E pregunta ta si den eyriba
lo bin un construccion, si e
hecho di traha un base riba
“groundwater” cu ora di cana
por sintie bao di pia, e lo no
trece consecuencia den futuro
cu e por cay den otro.
Pa locual nos mes a observa no
ta mustra cu e problema di plas
di awa rond di e parkeerplaats
pa trahadornan di Hospital
y tereno na banda no ta
completamente soluciona.
Danki Dios cu GKMB a
bay spuit segun nos a wordo
informa pa e funcionario di
hospital, pero tog por a ripara
cu tin trahadornan ta sigui
preocupa.