Page 50 - min vos - april 13, 2015

http://www.24ora.com/deporte-mainmenu-7/93989-conoce-e-atletanan-eargenell-de-cuba-y-mitchell-
daniel-den-e-deporte-di-beach-volleyball

Minister Alex Schwengle: Centro di Bario Piedra Plat a
comproba cu sin Gobierno tambe por!

Sunday, 12 April 2015 18:46
Comparti

"Esaki ta un hoya di proyecto....no solamente pa futbol pero tambe pa mas disciplina di deporte, el a keda
masha bunita mes", asina Dr. Alex Schwengle, Minister di Salud Publico y Deporte a duna di conoce na
ocasion di apertura di Compleho Deportivo Franklyn Bareño na Piedra Plat.
E mandatario a bisa di ta masha impresiona cu e trabou boluntario di tur esunnan envolvi, no solamente
e fundacion, e ekipo di futbol, pero specialmente tambe di e bario completo di Piedra Plat y vecindario cu
hunto a percura pa e bunita logro.
"Esaki pa mi ta comproba cu no tur ora bo mester di Gobierno pa logra cosnan bunita. Esaki ta un bunita
iniciativa di pueblo, traha pa e mesun pueblo, cu ayudo di sponsornan, y a logra un hoya di compleho
deportivo", asina Minister Dr. Alex Schwengle a duna di conoce. "Mi ta spera cu esaki por sirbi como un
bon estimulo tambe pa otro barionan y otro ekiponan tambe uni forsa pa logra e mesun tipo di
proyectonan asina"
Stichting Centro di Bario Piedra Plat, funda 25 aña pasa, ta doño di e propiedad. Mas o menos 5 aña pasa