Page 28 - MIN ON_Neat

AWEMainta Diabierna, 30 Juni 2017 25

Interact Club of Aruba a ehecuta

nan proyecto pa Casa Cuna

DESPUES di simannan di
deliberacion Interact Club of
Aruba a ehecuta nan prome
proyecto cu exito. E miem-
bronan di Interact a dicidi cu
nan prome proyecto lo ta pa
yuda Casa Cuna.
Asina un par di siman pasa
a tuma lugar e coleccion di
comestibel, pampers, “baby
wipes”, juice y cuminda di
baby pa Casa Cuna.
E coleccion a tuma lugar
na Ling & Sons na unda cu
comunidad di Aruba por a
cumpra di articulonan in-
dica y deposita esaki serca e
miembronan di Interact.

Diasabra ultimo un par di
miembro di Interact a hiba
articulonan colecta na Casa
Cuna. Na Casa Cuna nan
a haña un rondleiding di e
lugar y tambe un historia
cortico di Casa Cuna.
Despues di esaki e miembro
nan di Interact a pinta cu
e muchanan cu tabata pre-
sente den weekend na Casa
Cuna.

Interact Club of Aruba kier a
gradici comunidad di Aruba
pa a contribui n’e bunita
proyecto aki. Alabez kier
a duna un danki tambe na
Ling & Sons p’e oportuni-
dad pa colecta.
Tambe un danki na Com-
pra Ltd. pa nan donacion
di Frisian Flag. Por ultimo
un gradicimento na Rotary
Club of Aruba pa nan sosten.