Page 52 - MIN SOC SEPT 11, 2015

Estudio Nacional riba Hubentud lo worde presenta na comunidad
Publication: Friday, 11 September 2015. Categoria: General
Minister Paul Croes:

ORANJESTAD (AAN): “Docentenan, politiconan, comerciantenan, periodistanan, gremionan,
trahadornan social y den otro sectornan mester recibi e resultadonan di e estudio importante aki”.
Minister Paul Croes a anuncia.
Minister di Asuntonan Social, Hubentud y Labor drs. Paul Croes a anuncia recientemente cu e
Estudio Nacional riba Norma y Balor di nos Hubentud (Youth Engaged in Sustainibillity Study
YESS) lo worde presenta na diferente sectornan den nos comunidad.
Hunto cu Professor Ryan Peterson di Universidad di Aruba e programa aki lo worde prepara pa
asina Parlamento di Aruba, sector di Educacion y sector Comercial, sector Laboral,
organizacionan religioso y otronan recibi e informacion aki.
Minister Paul Croes kende ta esun cu a pidi Universidad pa haci e estudio riba hobennan di
Aruba, ta kere cu e estudio y resultadonan di esaki ta di balor grandi pa tur sector aki na Aruba.
Hobennan ta confronta varios problemanan awendia y sigur cu si nos conoce esakinan, nos por
tackle e problemanan aki den un forma mas efectivo.
E resultadonan di e estudio aki a worde presenta na varios NGO’s aki na Aruba y tambe na
Conseho di ministronan y Gobernador di Aruba. Awo ta toca turno na henter nos comunidad”,
Minister Croes a mustra.
http://www.diario.aw/2015/09/estudio-nacional-riba-hubentud-lo-worde-presenta-na-comunidad/