Page 33 - MIN ARENDS

AWEMainta Diaranson, 14 Juni 2017 7

Evelyn Wever-Croes (MEP):

Problema di pensionado

di SVb Corsou trata cu

Parlamento di Corsou

DEN HAAG -- Manera anticipa lider di MEP, Evelyn Wever-Croes a discuti
e problema di pensionadonan cu Parlamento di Corsou.
Ta trata di pensionadonan Arubiano cu a traha den tempo di Antiyas y ta
haya pensioen di SVb di Corsou.
Fin di aña pasa nan cada un a haya un carta di SVb Corsou pa informa nan
cu ta bay corta 10% di e pensioen di cada luna y ademas na december nan
no lo haya e bonus di Pasco mas.
Esaki a trece hopi problema financiero p’e grupo di pensionado aki, cu na nan
turno a acudi serca e lider di fraccion di MEP pa un solucion of ayudo.

Lider di MEP Evelyn Wever-Croes a indica cu a purba riba nivel di Go-
bierno di Corsou, pero esey ta algo cu ta Gobierno di AVP mester haci y
nan no tabatin mucho interes pa yuda pensionadonan.
Pues lider di MEP a dicidi di trata esaki den reunion
entre Parlamento y Parlamento.
Durante e reunionnan tripartiet di Aruba, Corsou
y Sint Maarten dialuna ultimo na Hulanda, esaki a
wordo trata. St. Maarten a indica cu nan tambe tin
e problema ey.

A keda palabra cu e Parlamentarionan di Corsou
lo busca mas informacion y mira si por yega na un
solucion.
Lider di MEP, Evelyn Wever-Croes lo sigi den con-
tacto cu su coleganan di Corsou, pa por logra elimina
e medida aki contra pensionadonan. En todo caso,
tin movecion den direccion di un posibel solucion.

Detencion pa violacion

di Ley di Opio

WILLEMSTAD – Diamars 13 di juni 2017, al-
rededor di 6’or di mainta, Team di Mantencion di
Orden Publico di Barber a tene entrada hudicial den
un cas na Westpunt.
E entrada hudicial aki ta relaciona cu Violacion di
Ley di Opio.

Durante investigacion n’e cas, Polis a haya y confisca
un total di 339 mata di marihuana y atributonan
pa prepara marihuana pa benta. N’e sitio a detene
e homber G.N.M. naci na Corsou di 44 aña di
edad, como sospechoso pa violacion di Ley di Opio.

A presenta e sospechoso dilanti un Fiscal Auxiliar
cu a ordena su encarcelamento pendiente pa mas
investigacion.