Page 49 - MIN ARENDS

A31
LOCAL Diaranson 14 Juni 2017

Minister di Enseñansa:

Mester busca un miho

structura pa loke ta trata

subsidio SKOA

ORANJESTAD – Tur aña Gobierno ta pasa fondonan
pa SKOA, pa mantencion di scolnan, pero actual-
mente ta mustra pa un motibo of otro motibo esaki no
ta yegando na su destinacion y mester bin cu un cambio
hopi lihe.

Mester mira un otro formula con por yega na dje, sea ta pone
un fondo apart cu Gobierno mes ta administra. “Si nos di-
cidi di kita tur mantencion for di SKOA, e ora ta cuminsa
pensa den e direccion di ki rol SKOA como un directiva di
scol ta hunga den esaki”, asina Minister Hooyboer-Winklaar
a expresa.

Minister Hooyboer-Winklaar ta splica cu gobierno a inverti
den e ultimo 3 aña y mey, mas o menos 35 miyon florin na
renobacionnan di scolnan, incluyendo scolnan di SKOA. E
mandatario ta bisa mirando cu gobierno ta paga tur cos, kico
ta e rol di SKOA anto? Kico SKOA ta haci cu tur e placa cu
e ta haya pa mantencion y kico e ta haci cu e “schoolgeld” cu
e ta cobra mayornan tur aña? Minister mester responsabilisa
delaster un florin cu e gasta na Parlamento. Segun minister
di Enseñansa SKOA tin varios añanan caba sin presenta nan
cuentanan anual, y sin presenta un plan di maneho riba con
ta mantene e scolnan cu e fondonan cu e ta haya anualmente
for di Gobierno.

Esaki ta puntonan minister Hooyboer-Winklaar lo bay de-
libera riba dje cu e Ministerionan manera di Financia, Depar-
tamento Huridico di Gobierno (DWZ) y parlamento, pa asina
yega na un formula cu por traha pa tur hende.