Page 24 - HCCA MAY 8

Antes 12 di Mei tabata “Dia International di Enfermeria. Pero 4 aña pasa riba un dia manera awe, un Enfermero
den funcion di Minister e tempo ey a logra proclama oficialmente “National Nurse Week” for di dia 6 pa 12 di
Mei. Pa e motibo aki awe rond mundo tur Enfermero/a ta sinti nan orguyoso y feliz di por habri e siman cu ta
dedica na nan bunita profesion. Un profesion cu ta bin di curazon, un profesion cu ta desaroya su mes a base di e
pasion y entusiasmo pa yuda un otro. Tur ser humano den transcurso di su bida ta bin den contacto cu un
Enfermero/a. Den e siman aki nos kier reflexiona riba e rol di Enfermero/a y e importancia di tin nan den nos
bida. E aña aki International Council of Nurses (ICN) a scoge pa e tema: Nurses a force for change: “Care
Effective” in balance with “Cost Effective”. Na papiamento esaki nifica Enfermeronan por haci e diferencia:
Cuido Efectivo den balans cu Costo Efectivo. Cu e meta pa logra mehora salud y bienestar general di tur ser
humano. Enfermeronan diariamente ta duna cuido curativo pero nan tin e conocemento pa participa den
decisionnan cu tin pa wordo tuma pa hisa y mehora e calidad di cuido curativo y tambe preventivo. ICN ta haci
un yamada na ful e cuerpo di Enfermero/a pa trece e cambio. E cambio di mentalidad di “NAN” of “E” pa
“NOS”. Nos ta un cuerpo y hunto nos ta logra. Departamento di Salud Publico ta uni su mes na e dia special aki
pa felicita tur Enfermero/a na Aruba y muy especial na tur Enfermero/a den servicio di DESPA.

http://masnoticia.com/siman-di-enfermeria/