Page 48 - MIN TTC 15 OCT 2015

Pa e promer 9 lunanan di aña 2015 e no ta logrando su metanan. Cu crecemento den 9% den
REV PAR Otmar Oduber kier purba hustifica e placa cu ta worde gasta den mercadeo. Nos
mester tene bon na cuenta cu e placa cu ta worde inverti den mercadeo ta rond di 80 miyon
Florin y den pasado (anja 2008) tabata rond di 26 miyon Florin. Ta un difrencia hopi grandi den
cantidad di placa y si bo mira y midi e resultado cu el a duna mi ta kere nos no por ta content cu
esaki.

Un minister mescos cualkier otro hende ta worde huzga pa su performace. Nos ta keda bisa cu
nos turismo no ta uno solido y duradero y esey ta nos preocupacion mas grandi. Nos unico pilar
economico ta dunando senjalnan negativo y nos ta spera cu e tendencia aki por cambia y bira uno
positivo. Nos pais mester tin crecemento den cantidad di stayovers, mester tin crecemento di
cantidad di turismo crusero, aumento den grado di ocupacion y tambe aumento den REV PAR.
Si tur e indicadornan aki ta positvo e ora nos por papia di un turismo fuerte y solido cual awor
sigur NO ta e caso!

http://www.diario.aw/2015/10/cifranan-preliminar-di-turismo-den-di-september-sumamente-malo/