Page 13 - KPA

Cuater auto envolvi y dos herido den accidente riba e famoso
crusada di Alhambra

Sunday, 23 July 2017 22:27
1

Comparti

Dos chauffeur femenino a keda herida den un accidente entre cuater auto riba e crusada banda di
Alhambra. E auto shinishi chikito di un trahador cu ta parti Pizza
tabata crusando di Alhambra pa Hospital. Pa un descuido e no a mira e SUV biniendo di Tamarijn
bayendo direccion Eagle Beach. E SUV a dal den e auto shinishi chikito y djey kita man drechi bay dal
den dos otro auto cu tabata para na e crusada bay bay direccion Alhambra. E impacto tabata fuerte. E
dama chauffeur di e SUV a keda herida. E dama cu a ocasiona e accidente tambe tabata levemente
herida. Ambulance a yega mesora na e sitio. E crusada tin borchi grandi di STOP pero asina mes tin
chauffeur cu no ta pone atencion riba caminda.
Candela pega cu corte marduga y choller morto na soño

Monday, 24 July 2017 08:38
1

Comparti

Asina chollernan por haya nan morto soketemente. Esaki ta net banda di edificio di corte. Garoshi di
choller cendi na candela. Ni maskeba purba lanta e choller, tog e tabata den un soño profundo. E candela
aki probablemente ta cendi pa e criminalnan chikito cu tin e area rond di Rancho teroriza. Dialuna
marduga ta Bombero mester a bin paga e candela.

Polis di Playa tambe a bin pa asina atende cu e adicto y lante y strobe di drumi. A logra lante y atende
cune. A bise cu e mester bay for di eynan. Polis mes a purba hala e resto di sushi cu shovel. Mainta
mester haci full un limpieza. E candela tabata net dos meter for di corte na e entrada y salida di e van cu
ta transporte preso. Rond di corte diariamente tin choller ta drumi. Nan tin un motibo pa esey. Nan ta
sinti nan mas sigur drumi rond di corte pasobra tin camara di seguridad y esnan cu kier causa nan daño