Page 36 - KPA

Taxi ta dal contra barancanan ariba Sasaki

2 mins ago 0 0 Views
Sasaki – Diasabra marduga polis ta bay ariba Sasaki pa un accidente cu hende herida. Na yegada di polis
nan ta topa cu taxi, un Suzuki SX4.
E chauffeur tawata sinti dolor na curpa, caminda polis a pidi un ambulance pa dune asistencia.
Velocidad halto lo a pone cu e chauffeur lo a perde control ariba e vehiculo y ta baha caminda y dal
contra barancanan. E tire dilanti a wordo destrui completamente. Personal di ambulance trate na e sitio
mes.
Chauffeur coriendo auto cu bril di solo deteni

1 min ago 0 0 Views
Eagle Beach: Diasabra den oranan di marduga, un patruya di Noord ta bin nota na altura di Amsterdam
Manor Beach Resort, un auto coriendo lus paga, mesora nan a siguie y a par’e.
Ora e polisnan a acerk’e nan a nota cu e chauffeur di e auto tabata tin un bril di solo bisti y tabata basta
bou influencia.
Mesora polis a deten’e y a transport’e pa warda di Polis di shaba, caminda e lo a haya un cuarto gratis pa
sosega un rato.
Auto a cay den buraco pa traha cura di cas

1 min ago 0 0 Views
Palm Beach – Diasabra marduga polis a wordo pidi na un adres na Palm Beach, caminda un auto a ser
haya.
Na yegada polisnan ta topa cu auto color cora kima.
Na e sitio e chauffeur no tawata presenta. Ta asumi cu e chauffeur o sea tawata burachi of no conoce e
area bon y a bay cay den un parti destina pa traha un cura di cas.
Chauffeur ta subi cu su auto ariba rotonde di

Dadelstraat, ela keda herida

1 min ago 0 0 Views
Dadelstraat, Tarabana: Diasabra marduga un patruya di polis y tambe un unidad di ambulance ta wordo
manda na e rotonde di Dadelstraat pa motibo cu tin un accident y e chauffeur lo ta herida.
Na yegada nan ta bin topa enberdad cu un auo cu a subi e rotonde y a bay pega riba un baranca,
aparentemente e chauffeur lo a pega soño of tabata cansa cu ela subi riba e rotonde sin primmi brake.
E ela destui un mata cu tabata tin riba rotonde y su auto tambe a haya hopi daño material. Den e
impacto fuerte e victima a dal su pecho basta duro contra e stuurwiel di e auto..
Despues cu personal di ambulance a trata e victima na e sitio a transporte hospital.
Dos auto horta haya den cura di cas na Hato

1 min ago 0 0 Views
Hato – Diabierna atardi un famia ta pidi asistencia di polis na un cas na Hato, cinda cu nan a bin topa no
un 1 pero 2 auto horta.
E cas no tin ningun hende ta biba na dje, pero e ta di un ruman di esunnan cu a avisa polis. Segun un
ruman homber na e sitio, net e pasando dilanti e cas ela wak algo ta blink patras di e cas y a dicidi di tira
bista.
Asina nan a bin topa cu un pick up Nissan double cabina y un Nissan Sentra getint.
E pick up nan bay cu varios parti di dje, manera tirenan y glas parti patras, tambe mas cos paden di e
auto.Aparentemente e pick up lo a wordo horta algun dia atras na Palm Beach, segun e habitante a bisa
nos.
Loke a trata e Nissan no por a wak bon paden door cu e ta getint. Takelwagen a ser pidi pa asina bay cu
ambos auto pa investigacion.