Page 6 - KPA

Driemasterstraat: Dialuna pa mas o menos 1’or di marduga dos patruya di playa
ta haya ordo pa bay cera e conocido bar, Bara bar, caminda antes tabata United
DInner, mesora e patruyanan ta bay na e bar aki.

Na yegada nan ta bay paden y a exigi di e gerente cu ta ora pa cera su
establecimento, enberdad e gerente mesora a cumpli cu ordo di polis, ela
cuminsa cera e portanan y e bishitantenan di e bar a cuminsa sali bay, sin
problema.

E bar aki, sigur ta conoci pa polis cu ta un bar cu ta keda den weekend te den
oranan di mainta habri y cu no ta respeta e ora stipula di ceramento. Na varios
ocasion polis mester a bay cera e establecimento aki, ban spera cu awor Si nan a
cuminsa respeta e ora stipula di ciere di e bar.

Tambe e patruya lo a sigui pa e siguiente establecimento Club Euforia, pero ya
esaki tabata cerando caba.

Polis lo keda vigila y pasa cera bar of clubnan cu ta pasa nan ora di ciere y e
gerencia por haya un boet, pa no ta mantene nan mes na e ora stipula di cierre y
cada biaha cu e gerencia no respeta ordo di polis e boet nan lo keda aumenta y
por bira boetnan basta costoso pa gerencia.

CHAUFFEUR BOU INFLUENCIA CORIENDO

CU VELOCIDAD HALTO TA PERDE

CONTROL Y BOLTER

July 24, 2017 Admin Uncategorized Leave a comment

Sasakiweg: Diadomingo den oranan di marduga ta sosode un accident cu un
persona herida riba Sasaki, mesora ta manda polis y ambulance na e sitio.

Na e sitio nan ta bin compronde cu e chauffeur di e auto tabata basta bou
influencia, asina mes a subi tras di stuur y tabata core cu velocidad halto, na
dado momento ela perde control, baha caminda ranca un palo di lus, bolter y
despues a cay bek riba su 4 wielnan.