Page 5 - 12Oct2022

DIARANZON 12 OCTOBER 2022 DIARIO PAGINA 5
Frans Ponson di CUA:
Gobierno mes ta bisa cu 40% di
comerciantenan no ta cumpli cu

impuesto, anto mester bay nan tras
“Pero nan kier pa e grupito cu ta paga, paga mas”

ORANJESTAD (AAN) – Frans Ponson, di
Comerciantenan Uni Aruba (CUA) a señala, durante
un entrevista, cu Gobierno mester wak cual ta e
comerciantenan cu no ta cumpli cu pago di impuesto y
bay nan tras.
Gobierno mes ta bisa cu 40% di e comerciantenan no
ta cumpli cu caha di gobierno, pues nan mester bay nan
tras, Ponson ta reitera.
Pero pa gobierno ta mas facil coy e grupito cu ta paga y
pueblo, anto subi e belasting tambe, na lugar di bay na
esnan cu no ta paga.
El a agrega cu e articulonan di marca cu turistanan gusta
cumpra tin un prijs mara, y awo cu ta bay subi BBO pa
nan, e tin gana di sa con nan ta bay haci.
Ponson a bisa cu e asunto aki ta bay trece un serie di
problema, y atrobe un inflacion grandisimo pueblo,
pasobra e hotel no tin cu paga un cent, e wholesales mas
grandi na Aruba miho nan ta cera nan porta, pasobra e
wholesales cu ta bende na tur supermercado ta bay cumpra
esakinan 7.52% y nan ta bay cobra pueblo esaki.
Kiermen nan ta bay haya paga 15% for di entrante 1 di
Januari, y loke ta bay sosode ta mescos cu den pasado,
cu supermercadonan ta bay cera cabes hunto y ta bay
cumpra nan mes afo. El a agrega cu tur hende ta bay
cumpra online pasobra e companianan no ta paga
impuesto. Segun Ponson Gobierno ta mustra manera e
ta bay contra comercio. Kiermen, nan ta lanta e prijs pa
ataca e grupito cu ta pagando.
Ponson a subraya cu BTW tabata un oportunidad pa
comercio start parcialmente y CUA a bisa gobierno
pa djis cobre riba entrada di Aruba, pa prijs no subi pa
pueblo. El a bisa cu hopi placa ta bay drenta caha di
gobierno y e prome stap tabata BTW.
Si den futuro nan kier bin cu BTW ya gran parti di
comerciante sa con pa paga un parti y trek af un parti.
Frans Ponson a remarca cu BTW mester bin completo, y
e lo ta miho pa Aruba.
CUA semper a bay di acuerdo cu ne, pasobra den nan
pensamento, tur comerciante ta bay cumpli cu caha di
gobierno. El a reitera cu awo loke gobierno ta haci ta
pone e grupito cu ta pagando, paga mas!