Page 96 - AHATA

- Advertisement -

Desde 2018 te cu fin di 2019 tin 100 mil ton di sushi den bales poni na Sero
Tijshi

ORANJESTAD (AAN): Michael Rasmijn ta Hefe di Operacion na Serlimar y durante un
rueda di prensa dialuna mainta el a duna di conoce cu nan ta tende diferente keho y
den media cu tin di haber cu Sero Tijshi, vooral riba holo y huma.

El a trece dilanti cu a busca contacto cu companianan di afo pa bin haci un
‘assessment’, pero Serlimar no ta wardando riba esey.

Ta confrontando un holo cu ta saliendo di e bales na Sero Tijshi, pero prome cu tur cos
pa bisa cu ta asina ey, a laga haci un test na unda e bales ta.

Ta espera cu pa e siman aki por tin e informacion di kico tin den e bales. Ademas di

esey Serlimar ta bezig cu e parti cu tin e problema. A cuminza na tap’e adicionalmente
y si ta bon ta bay pone liners cu ta e forma pa atende unda cu tin e problema, Rasmijn
a indica.

Na Sero Tijshi desde comienso di Januari 2018, Serlimar a wordo notifica cu e bales cu
tabata bay na otro lugarnan lo cuminsa bay Sero Tijshi. Prome cu esey tabata tin otro
lugarnan cu lamentablemente tin mesun problema di holo. Un di nan ta na Noord.

Gobierno tin kehonan oficial di esey tambe. Esey ta un tereno priva y tin cu bay wak
con ta atende cu esey, a bisa.

Na Sero Tijshi, ora cu a haya e lugar, a haye cu un promedio di 1500 bales poni caba. E

tarea di Serlimar ta zorg pa e wordo tapa mas lihe posibel pa evita holo y huma. Esey
tabata e prome tarea.

Na 2018 esaki a bay hopi bon, pero na caminda na inicio di 2019, Serlimar tabata sigui

haci su trabao di tapa e bales, pero a cuminsa saca huma sin cu por bisa kico ta e
problema.