Page 14 - Djasabra 30 yuni 2018.pdf
P. 14
14 Djasabra 30 Yüni 2018
Dos ruman detené
pa vários kaso
Tabata buska nan masha dia
WILLEMSTAD.- Ayera, bon trabou di e tim di Mantenshon di Órden
Públiko a logra pone man
riba dos ruman ku masha
dia hustisia tabata buska.
Ta trata di dos ruman
hòmber ku ta biba den
Buena Vista.
Outoridatnan tabatin
algun tempu buskando e
rumannan aki pa asina nan
responsabilisá nan mes
pa entre otro kasonan di
bringamentu den públiko,
menasa i tambe maltrato.
Den nos edishon di
djamars lo tin mas detaye
relashoná ku detenshon di
e dos rumannan aki.
Abitantenan
a yega kas
haña hòber
den nan lugá
WILLEMSTAD.-
Abitantenan ta yega kas i
topa ku un tipo den nan kas.
Mesora a tene e tipo
aki i pone outoridatnan na
altura.
Tabata djabièrnè 29 di
yüni 2018 alrededor di mitar
di dos di mardugá, Sentral
di Polis a risibí notifikashon
ku abitantenan di un kas
den área di Mahuma a haña
un hòmber deskonosí pa
nan den nan kas.
Na momentu ku e
hòmber deskonosí a mira ku
nan a deskubrié el a purba
hui, pero abitantenan a tené
wardando riba polis.
Na e sitio polis a detené e
hòmber H.W. nasé na Kòrsou
di 51 aña di edat, pa intento
di ladronisia.
A presentá e sospechoso
dilanti un Fiskal Ouksiliar.
