Page 124 - HOH

Lechi di Pecho y Coronavirus (COVID-19)

Departamento di Salud Publico y Pro Lechi

Mama ta informa

March 18, 2020
SHARE

Facebook

Twitter

ORANJESTAD, Aruba –17 maart 2020: Si bo ta mama di un baby y bo ta criando bo yiu na pecho, ta

masha consehabel pa aplica ‘social distancing’ y no sali cu bo yiu for di cas of ricibi bishita na cas pa
asina baha e riesgo di wordo infecta cu e Coronavirus.

Pero, si un mama ta cria su baby na pecho y ta contrae Corona virus (Covid-19) NO ta necesario pa separa e
baby di un mama contagia. Ta juist consehabel pa e sigui duna su baby pecho. Di con? Ta comproba cu, na

momento cu un mama tin un infeccion, e ta produci anticuerpo pa combati e infecion aki. Y e mama ta
transmiti e anticuerponan aki na su baby via di su lechi. Pesei NO tin motibo pa stop di duna lechi di pecho na
momento di un sospecho of diagnostico di e Corona virus. Al contrario: door di sigui duna bo baby pecho, bo

ta yud’e subi su defensa contra e virus aki. E lech’i pecho awo mas cu nunca por yuda e baby cu e no ta haya e
virus mes. Y si e haya e Corona virus mes, e ta hay’e mas leve y cu e ta recupera mas lihe. Pa e mama contagia
nos tin e siguiente consehonan. Prome cu cria bo yiu na pecho:
Laba bo mannan bon;
Tapa bo boca y nanishi ora bo ta dunando bo yiu pecho;