Page 177 - HOH

Despues di nan demanda haci diamars ultimo, no a mira ningun cambio, ni sikiera a papia
of scucha nan. Esey a pone pa dicidi di bay den accion na momento cu a subi warda ayera
mainta. Tur esaki na momento cu e Director nobo a cuminsa cu su prome dia di trabou,
esta Anko Koopmans.

E trahadornan a bisa cu nan no kier tende nada y kier mira Minister Marisol Lopez
Tromp yega n’e sitio.

Nan a expresa cu lo keda para pafo di e edificio te ora cu nan haya mas proteccion y
presencia di e mandatario n’e sitio.

P.e.,nan a scucha cu Gobierno ta bisa pa protege esnan cu malesa cronico, y si esaki
mester wordo aplica na Serlimar, ta mas cu mitar di e departamento lo bay cas y servicio
no por sigui. Pio sin proteccion. Hasta nan a denuncia cu despues di nan accion, a
constata cu despues cu e trahadornan disgusta a bisa cu no ta recoge sushi te ora cu yega
na un solucion, otronan a subi truck tog tras di nan lomba.

Pero banda di esaki, un grupo di trahador a haya carta for di Minister cu no ta renoba nan
contracto.

Un trahador fiel cu semper a cumpli, nunca a bay AO, a haya notificacion diabierna cu
entrante dialuna e no tin trabou mas.

“E weganan aki mester caba,” un di e trahadornan, Yuri Schwengle, shopsteward a
comenta.