Page 23 - WEB
P. 23
Y awor, como cu gerencia di WEB no ta cooperando den e proceso, ta purba di tur forma
pa kibra nan for di otro. E caminda pa core cu Luis Oduber ta largo, pues a tuma awo
como bataya pa cuminsa core cu e CFO di WEB. Pa logra esey a prepara tres punto cu
nan kier pa e responsabilisa su mes pa nan. Den pasado asina cu nan tuma un postura
asina, ni kico cu Bo contesta of purba hustifica, ya e decision ta tuma caba y ta suspende
Bo mesora pendiente pa yega na un acuerdo pa Bo bay.
WEB ta birando un batata cayente
Te ainda e sindicato mes di e trahadonan, esta SIWA, no a cay aden pero ta spera cu esey
lo sosode e siman aki ainda. E asociacion di ingenieronan y profesionalnan di WEB si a
saca un comunicado y hasta a duna un entrevista exclusivo na 24ora.com den cual a
vocifera nan preocupacionnan pa e maneho di Utilities NV riba WEB. Ta sinti cu pa
capricho kier forsa decisionnan, cu no necesariamente ta na bienestar y progreso di WEB.
Na cualkier momento, si sigui pusha decisionnan asina, cu por spera accion.
